చెపాక్‌లో ధోని vs కోహ్లీ: ఐపీఎల్ 2019 ఆరంభం అదిరేనా?, ఆసక్తిగా ఫ్యాన్స్

By Nageshwara Rao M

Published: Friday, March 22, 2019, 17:56 [IST]

IPL 2019: Teams players list timings tickets and complete squads details

హైదరాబాద్: క్రికెట్‌ అభిమానులు ఎంతగానో ఎదురు చూస్తోన్న ఇండియన్ ప్రీమియిర్ లీగ్ (ఐపీఎల్) 2018 సీజన్ మరికొన్ని గంటల్లో తెరలేవనుంది. ఎప్పటిలాగే... స్టేడియం పైకప్పు తాకే సిక్సర్లు.. వికెట్లను గాల్లోకి గీరాటేసే యార్కర్లు.. ఒక్కటా.. రెండా.. ఎన్నెన్నో? దాదాపు నెలన్నరపాటు ప్రేక్షకుల్ని ఉర్రూతలూగించేందుకు ఐపీఎల్ 12వ సీజన్ సిద్ధమైంది. శనివారం నుంచే ఐపీఎల్ 2019 సీజన్ మ్యాచ్‌లు మొదలుకాబోతున్నాయి. టోర్నీలో భాగంగా తొలి మ్యాచ్‌లో ధోని నాయకత్వంలోని డిఫెండింగ్ ఛాంపియన్ చెన్నై సూపర్ కింగ్స్‌ జట్టుతో విరాట్ కోహ్లీ నాయకత్వంలోని రాయల్ ఛాలెంజర్స్ బెంగళూరు జట్టు తలపడనుంది.

ఐపీఎల్ 2019 రికార్డులు, గణాంకాలు, మ్యాచ్ స్కోరు వివరాల కోసం

ఆసక్తిగా ఎదురు చూస్తోన్న అభిమానులు

ఈ మ్యాచ్ కోసం ఎంతో మంది అభిమానులు ఆసక్తిగా ఎదురు చూస్తున్నారు. మార్చి 23న చెన్నైలో చెన్నై, బెంగళూరు మధ్య మ్యాచ్‌తో ఐపీఎల్‌ 12వ సీజన్‌ మొదలవుతుంది.ఈ మ్యాచ్‌కి చెపాక్‌లోని ఎమ్.ఎ చిదంబరం స్టేడియం ఆతిథ్యమిస్తోంది. ఐపీఎల్‌ 2019 సీజన్‌లో మొత్తం 8 జట్లు పోటీపడుతుండగా ప్రతి జట్టూ లీగ్ దశలో 14 మ్యాచ్‌లు ఆడనుంది.

మార్చి 23 నుంచి మే 5 వరకూ లీగ్ దశ

ఇందులో 7 మ్యాచ్‌లను సొంతగడ్డపై.. మరో 7 మ్యాచ్‌ల్ని ప్రత్యర్థి జట్టు వేదికల్లో ఆడతాయి. మార్చి 23 ఆరంభమై లీగ దశ మే 5 వరకూ కొనసాగనుంది. ఇందులో మొత్తం 56 మ్యాచ్‌లు ఉన్నాయి. అయితే.. క్వాలిఫయర్స్, ఎలిమినేటర్, ఫైనల్‌ మ్యాచ్‌ల తేదీలు, వేదికల్ని మాత్రం బీసీసీఐ వెల్లడించలేదు. ఎప్పటిలాగే మ్యాచ్‌లు సాయంత్రం 4 గంటలకి, రాత్రి 8గంటలకి ప్రారంభంకానున్నాయి.

12 మ్యాచ్‌లు సాయంత్రం నాలుగు గంటలకు

ఆరంభమవుతాయి. ప్రస్తుత షెడ్యూల్‌ ప్రకారం ఏదైనా వేదికలో ఏవైనా అనుకోని కారణాల వల్ల మ్యాచ్‌ నిర్వహణ కష్టంగా మారితే ప్రత్యామ్నాయ వేదికగా వైజాగ్‌ను నిర్వాహకులు ఎంపిక చేసుకున్నట్లు తెలిసింది. 2008లో ప్రారంభమైన ఐపీఎల్‌లో ఇప్పటి వరకూ 11 సీజన్లు పూర్తవగా.. చెన్నై, ముంబయి జట్లు మూడు సార్లు విజేతగా నిలిచాయి.

ప్రతిష్టాత్మకంగా తీసుకున్న విరాట్ కోహ్లీ

ఇక, కోల్‌కతా రెండు సార్లు, సన్‌రైజర్స్ హైదరాబాద్, డక్కన్ ఛార్జర్స్, రాజస్థాన్ రాయల్స్ ఒక్కోసారి టైటిల్‌ను గెలిచాయి. బెంగళూరు, ఢిల్లీ, పంజాబ్ జట్లు ఒక్కసారి కూడా టైటిల్ గెలవలేకపోయాయి. దీంతో విరాట్ కోహ్లీ ఈ ఐపీఎల్ సీజన్‌ను ప్రతిష్టాత్మకంగా తీసుకుంటున్నాడు.