స్వదేశానికి వార్నర్, బెయిర్ స్టో: ఐపీఎల్‌లో మిగతా మ్యాచ్‌లకు సన్‌రైజర్స్ తుది జట్టిదే!

షకీబ్ స్థానంలో నబీ

మరోవైపు ఆప్ఘనిస్థాన్ ఆల్ రౌండర్ షకీబ్ ఉల్ హాసన్ సైతం బంగ్లాదేశ్‌కు తిరుగు పయనమయ్యాడు. అయితే, షకీబ్ ఉల్ హాసన్ స్థానాన్ని ఆప్ఘనిస్థాన్ ఆల్ రౌండర్ మహ్మద్ నబీతో భర్తీ చేయాలని భావిస్తోంది. అయితే, వార్నర్, బెయిర్ స్టో స్థానాలను ఎవరితో భర్తీ చేస్తారనేది ఇప్పుడు ఆసక్తికరంగా మారింది.

10 పాయింట్లతో నాలుగో స్థానం

ఈ సీజన్‌లో ఇప్పటివరకు 10 మ్యాచ్‌లాడిన సన్‌రైజర్స్ 5 మ్యాచ్‌ల్లో విజయం సాధించి 10 పాయింట్లతో నాలుగో స్థానంలో కొనసాగుతోంది. ఇప్పుడు వార్నర్, బెయిర్ స్టో తుది జట్టులో లేకపోవడంతో ఆ జట్టు ఆటతీరు మరింత తీసికట్టుగా తయారవుతుందా? సన్‌రైజర్స్ తుది జట్టు ఎలా ఉండబోతుంది అనేది సగటు ఎస్‌ఆర్‌హెచ్ అభిమాని మదిలో మెదులుతున్న ప్రశ్న.

నిరాశ పరుస్తోన్న కేన్ విలియమ్సన్

మరోవైపు సన్‌రైజర్స్ కెప్టెన్ కేన్ విలియమ్సన్ సైతం ఈ సీజన్‌లో పెద్దగా రాణించలేదు. ఇప్పటివరకు ఆడిన మ్యాచ్‌ల్లో పూర్తిగా నిరాశపరిచాడు. ఈ సీజన్‌ ఆరంభంలో భుజం గాయం కారణంగా కొన్ని మ్యాచ్‌లకు దూరమైన కేన్ విలియమ్సన్ ఇప్పటివరకు కేవలం 4 మ్యాచ్‌లు మాత్రమే ఆడి 28 పరుగులు చేశాడు. అత్యధిక స్కోరు 14.

సన్‌రైజర్స్ తుది జట్టు ఎలా!

వార్నర్, బెయిర్ స్టో అందుబాటులో లేకపోవడంతో సన్‌రైజర్స్ తుది జట్టు ఎలా ఉండబోతుందో ఒక్కసారి పరిశీలిద్దాం...

1. మార్టిన్ గుప్టిల్

2. కేన్ విలియమ్సన్ (కెప్టెన్)

3. మనీష్ పాండే

4. విజయ్ శంకర్

5. వృద్ధిమాన్ సాహా్(వికెట్ కీపర్)

6. మహ్మద్ నబీ

7. యూసఫ్ పఠాన్

8. ఖలీల్ అహ్మద్

9. భువనేశ్వర్ కుమార్

10. సందీప్ శర్మ

11. రషీద్ ఖాన్