లక్కీ అంటే సన్‌రైజర్స్‌దే!: కోల్‌కతా ఓటమితో 12 పాయింట్లతోనే ప్లేఆఫ్‌కు

ఐపీఎల్‌ చరిత్రలోనే అతి తక్కువ పాయింట్లతో

తద్వారా ఐపీఎల్‌ చరిత్రలోనే అతి తక్కువ పాయింట్లతో (12) ప్లేఆఫ్స్‌కు చేరిన జట్టుగా హైదరాబాద్ నిలిచింది. ఈ సీజన్‌లో మిగతా జట్లన్నీ 14 పాయింట్లతో ప్లేఆఫ్స్‌కు అర్హత సాధించాయి. ఈ సీజన్ చివరి లీగ్ మ్యాచ్‌లో ముంబై చేతిలో కోల్‌కతా ఓటమిపాలవ్వడంతో సన్‌రైజర్స్‌కు ప్లేఆఫ్స్‌కు అర్హత సాధించింది.

12 పాయింట్లతో సమానంగా నిలిచిన మూడు జట్లు

ఈ సీజన్‌లో సన్‌రైజర్స్ హైదరాబాద్, కోల్‌కతా నైట్‌రైడర్స్, కింగ్స్ ఎలెవన్ పంజాబ్‌ జట్లు 12 పాయింట్లతో సమానంగా నిలిచాయి. అయితే, ఈ మూడు జట్లలో నెట్‌ రన్‌రేట్‌ (+0.577) విషయంలో సన్‌రైజర్స్‌ హైదరాబాద్ మెరుగ్గా ఉండటంతో ప్లేఆఫ్స్‌‌కు అర్హత సాధించింది. సన్‌రైజర్స్‌తో పోలిస్తే కోల్‌కతా (+0.028), పంజాబ్‌ (-0.251) రన్‌రేట్ తక్కువగా ఉంది.

18 పాయింట్లతో ముంబై అగ్రస్థానంలో

ఇదిలా ఉంటే, కోల్‌కతా నైట్‌రైడర్స్‌ను ఓడించిన ముంబై ఇండియన్స్ 18 పాయింట్లతో పాయింట్ల పట్టికలో అగ్రస్థానానికి ఎగబాకింది. చెన్నై, ఢిల్లీ కూడా 18 పాయింట్ల సాధించినప్పటికీ, ముంబై నెట్‌ రన్‌రేట్‌ (+0.421) విషయంలో ముందంజలో నిలిచింది. కాగా, ఢిల్లీతో పోలిస్తే చెన్నై (+0.131) మెరుగైన రన్‌రేట్‌తో రెండో స్థానంలో నిలిచింది.

IPL 2019 playoffs:

May 7: క్వాలిఫయిర్ 1 - ముంబై ఇండియన్స్ vs చెన్నై సూపర్ కింగ్స్ - చిదంబరం స్టేడియం, చెన్నై - 19:30 IST

May 8: ఎలిమినేటర్ - ఢిల్లీ క్యాపిటల్స్ vs సన్‌రైజర్స్ హైదరాబాద్ - ACA-VDCA Stadium, విశాఖపట్నం - 19:30 IST

May 10: క్వాలిఫయిర్ 2 - Loser of Qualifier 1 vs Winner of Eliminator - ACA-VDCA Stadium, విశాఖపట్నం - 19:30 IST

May 12: ఐపీఎల్ ఫైనల్ - ఉప్పల్ స్టేడియం - హైదరాబాద్