షార్ట్ పిచ్ బంతిని వేసిన రబాడ
కగిసో రబాడ విసిరిన ఓ షార్ట్ పిచ్ బంతిని ఫుల్ చేసేందుకు షేన్ వాట్సన్ ప్రయత్నించగా 140 కిమీ వేగంతో దూసుకొచ్చిన ఆ బంతి అతడి బ్యాట్కి అందకుండా నేరుగా వెళ్లి శరీరానికి తాకింది. దీంతో నొప్పితో కాసేపు వాట్సన్ విలవిలలాడగా.. ఆ బంతిని అందుకునేందుకు అక్కడికి వెళ్లిన రబాడ.. కవ్వించే ప్రయత్నం చేశాడు.
నోటికి పనిచెప్పిన షేన్ వాట్సన్
ఆ తర్వాతి బంతికి సింగిల్ తీసి నాన్స్ట్రైక్ ఎండ్లో తన నోటికి పని చెప్పాడు. దీంతో రబాడ కూడా ధీటుగా బదులివ్వడంతో ఫీల్డ్ అంపైర్, ఢిల్లీ కెప్టెన్ శ్రేయాస్ కలగజేసుకున్నాడు. అంతకముందు అంబటి రాయుడు వికెట్ తీసిన ఇషాంత్ శర్మ.. వాట్సన్పై కవ్వింపులకి దిగాడు. దీంతో ఘాటుగా బదులిచ్చిన వాట్సన్.. అమిత్ మిశ్రా బౌలింగ్లో వరుసగా రెండు సిక్సర్లు బాది ఔటయ్యాడు.
సురేశ్ రైనా హ్యాట్రిక్ ఫోర్లు
ఆ తర్వాత ఇషాంత్ బౌలింగ్లో సురేశ్ రైనా హ్యాట్రిక్ ఫోర్లు బాదాడు. లక్ష్య ఛేదనలో షేన్ వాట్సన్తో పాటు ధోని (32 నాటౌట్) బాధ్యతాయుత ఇన్నింగ్స్ ఆడటంతో మరో 2 బంతులు మిగిలి ఉండగానే చెన్నై సూపర్ కింగ్స్ 6 వికెట్ల తేడాతో విజయం సాధించిన సంగతి తెలిసిందే. షేన్ వాట్సన్కి మ్యాన్ ఆఫ్ ద మ్యాచ్ అవార్డు లభించింది.