ఐపీఎల్-12 చివరి అంకానికి చేరుకుంది. మంగళవారం రాత్రి చెన్నైలోని చిదంబరం మైదానం వేదికగా క్వాలిఫయర్-1 మ్యాచ్ జరగనుంది. ఈ క్వాలిఫయర్-1లో డిఫెండింగ్ ఛాంపియన్ చెన్నై సూపర్ కింగ్స్, ముంబై ఇండియన్స్ మధ్య మ్యాచ్ జరగనుంది. ఈ మ్యాచ్లో చెన్నై సూపర్ కింగ్స్ ఆల్రౌండర్ డ్వేన్ బ్రావో ముంబైపై తన ప్రతీకారంను తీర్చుకుంటాడేమో చూడాలి.
ఐపీఎల్ 2019 రికార్డులు, గణాంకాలు, మ్యాచ్ స్కోరు వివరాల కోసం
లీగ్ దశలో ముంబైతో రెండు సార్లు తలపడగా చెన్నైకి పరాభవమే మిగిలింది. ఈ రెండు మ్యాచ్లలో చెన్నై ఆటగాళ్లు ఎవరూ కూడా స్థాయికి దగ్గ ప్రదర్శన చేయలేదు. ముఖ్యంగా చెన్నై ఆల్రౌండర్ డ్వేన్ బ్రావో పరిస్థితి దారుణంగా ఉంది. ఈ రెండు మ్యాచ్లలో బ్రేవో ధారాళంగా పరుగులు సమర్పించుకున్నాడు. వాంఖడే వేదికగా తలపడిన మొదటి మ్యాచ్లో బ్రేవో తన కోటా 4 ఓవర్లలో ఏకంగా 49 పరుగులు ఇచ్చాడు. పోలార్డ్, పాండ్యాల ధాటికి ఇన్నింగ్స్ చివరి ఓవర్లో 29 పరుగులు ఇచ్చాడు.
చేనై వేదికగా తలపడిన రెండవ మ్యాచ్లో బ్రేవో తన కోటా 4 ఓవర్లలో వికెట్ ఏమీ తీయకున్నా.. 35 పరుగులు సమర్పించాడు. ఈ మ్యాచ్లో ముంబై 155 పరుగులు చేసినా బ్రేవో పరుగులను మాత్రం నియంత్రించలేదు. ఇక ఛేదనలో కూడా 17 బంతుల్లో కేవలం 20 పరుగులు చేసి విఫలమయ్యాడు. సీజన్-12లో ఇప్పటివరకు బ్రేవో తన మార్క్ ఆట ప్రదర్శించలేదు. ఈ రోజు కీలక క్వాలిఫయర్-1 మ్యాచ్ ఉన్న నేపథ్యంలో ముంబైపై చెలరేగి ప్రతీకారం తీర్చుకుంటాడేమో చూడాలి.