Click it and Unblock the Notifications
గత సీజన్కు దూరమైన డేవిడ్ వార్నర్
ఈ నేపథ్యంలో గత సీజన్కు డేవిడ్ వార్నర్ దూరమయ్యాడు. అయితే, డేవిడ్ వార్నర్ స్థానంలో సన్రైజర్స్ హైదరాబాద్ జట్టు పగ్గాలు అందుకున్న కేన్ విలియమ్సన్ బ్యాట్స్మెన్గా, కెప్టెన్గా అత్యుత్తమ ప్రదర్శనతో జట్టుని ఫైనల్కి చేర్చాడు. అయితే, తిరిగి మళ్లీ వార్నర్ జట్టులో చేరినప్పటికీ... విలియమ్సన్కే కెప్టెన్సీ బాధ్యతలు అప్పగించేందుకు సన్రైజర్స్ ఫ్రాంఛైజీ మొగ్గు చూపింది.
వార్నర్ రాక మినహా ఎలాంటి మార్పులు లేవు
ఐపీఎల్ 2019 సీజన్లో సన్రైజర్స్ జట్టులో డేవిడ్ వార్నర్ రాక మినహా ఎలాంటి మార్పులు లేవని లక్ష్మణ్ పేర్కొన్నారు. ఐపీఎల్లో ఇదివరకు సన్రైజర్స్ జట్టుకు కెప్టెన్గా వ్యవహరించిన వార్నర్ నిషేధం అనంతరం ప్రధాన ఆటగాడిగా కొనసాగుతాడని తెలిపారు. వార్నర్ రాకతో సన్రైజర్స్ జట్టు మరింత బలంగా మారనుందని లక్ష్మణ్ ఆశాభావం వ్యక్తం చేశారు.
వార్నర్ గురించి లక్ష్మణ్ మాట్లాడుతూ
ఈ సందర్భంగా డేవిడ్ వార్నర్ గురించి లక్ష్మణ్ మాట్లాడుతూ "సన్రైజర్స్ హైదరాబాద్కు వార్నర్ చేసిన సేవలు ఎంతో గర్వకారణం. అతనెప్పుడూ మా ప్రధాన ఆటగాడుగానే ఉంటాడు. వార్నర్పై విధించిన నిషేధం తప్పని వ్యక్తిగతంగా నేను భావిస్తున్నా.. ఎందుకంటే అతడిని చాలా దగ్గరి నుంచి నేను చూశాను. మళ్లీ సన్రైజర్స్ జట్టుతో కలిసి సహకరిస్తాడని ఆశిస్తున్నా" అని అన్నారు.
24వ తేదీన కోల్కతాతో సన్ రైజర్స్ తొలి మ్యాచ్
మార్చి 23 నుంచి ఐపీఎల్ మొదలవుతుండగా.. 24వ తేదీ సన్రైజర్స్ హైదరాబాద్ తన తొలి మ్యాచ్ను కోల్కతా నైట్రైడర్స్తో ఈడెన్ గార్డెన్స్ వేదికగా తలపడనుంది. ఇందులో భాగంగా సన్ రైజర్స్ హైదరాబాద్ జట్టు ఇప్పటికే కోల్కతాకు చేరుకుంది.
Continue with Google