Click it and Unblock the Notifications
RCB vs RR: ఆర్సీబీపై గెలిచి ప్లేఆఫ్ బరిలో రాజస్థాన్ నిలిచేనా?
IPL 2019 : Royal Challengers Bangalore V Rajasthan Royals Match Preview ! || Oneindia Telugu
హైదరాబాద్: ఐపీఎల్ టోర్నీలో భాగంగా మంగళవారం రాయల్ ఛాలెంజర్స్ బెంగళూరు, రాజస్థాన్ రాయల్స్ జట్లు తలపడుతున్నాయి. ఈ మ్యాచ్కి బెంగళూరులోని చిన్నస్వామి స్టేడియం ఆతిథ్యమిస్తోంది. ఈ సీజన్లో ఇరు జట్లు ఇప్పటివరకు 12 మ్యాచ్లాడాయి. ఈ సీజన్లో ఇరు జట్లు రెండోసారి తలపడుతున్నాయి. చివరగా ఈ రెండు జట్లు ఆడిన మ్యాచ్లో రాజస్థాన్ రాయల్స్ 7 వికెట్ల తేడాతో విజయం సాధించింది.
ఐపీఎల్ 2019 రికార్డులు, గణాంకాలు, మ్యాచ్ స్కోరు వివరాల కోసం
ఈ సీజన్లో ఇప్పటివరకు రాజస్థాన్ 8 మ్యాచ్ల్లో విజయం సాధించగా.... ఆర్సీబీ మాత్రం 8 పాయింట్లతో పట్టికలో ఆఖరి స్థానంలో కొనసాగుతుంది. టెక్నికల్గా చెప్పాలంటే ఆర్సీబీ ప్లేఆఫ్ మ్యాచ్లకు దూరమైనట్టే. అయితే, మిగతా జట్ల ఓటములు ఆర్సీబీకి కలిసొచ్చే అవకాశం ఉంది. ఈ సీజన్ ఆర్సీబీకి ఎంతమాత్రం కలిసి రాలేదు.
వరుసగా ఆరు మ్యాచ్ల్లో ఓడిన ఆర్సీబీ
సీజన్ ఆరంభంలో వరుసగా ఆరు మ్యాచ్ల్లో ఓడిపోయింది. అంతేకాదు ఐపీఎల్లో 100 ఓటములను ఎదుర్కొన్న తొలి జట్టుగా ఆర్సీబీ ఓ చెత్త రికార్డుని తన ఖాతాలో వేసుకుంది. దీంతో ఈ మ్యాచ్లో విజయం సాధించి ఆర్సీబీ పరువు దక్కించుకోవాలని చూస్తుండగా... రాజస్థాన్ మాత్రం గెలిచి ప్లేఆఫ్ రేసులో నిలవాలని చూస్తోంది.
ఆర్సీబీ కీలక ఆటగాళ్లు వీరే
ఆర్సీబీలో కీలక ఆటగాళ్లు విరాట్ కోహ్లీ, ఏబీ డివిలియర్స్. అయితే, కెప్టెన్గా విరాట్ కోహ్లీ ఈ సీజన్లో అనుకున్నంత స్థాయిలో రాణించలేదు. బ్యాట్స్మెన్గా కూడా అతడి ఆట అభిమానులను నిరాశపరుస్తోంది. ఈ మ్యాచ్లో కోహ్లీ, డివిలియర్స్ విజృంభించాలని అభిమానులు కోరుకుంటున్నారు. మరోవైపు ఆర్సీబీ ప్రధాన బౌలర్గా కొనసాగుతున్న చాహల్ సైతం ఈ సీజన్లో ఇప్పటివరకు 16 వికెట్లు మాత్రమే తీశాడు. 8కి పైగా ఎకానమీతో పరుగులు ధారాళంగా సమర్పించుకున్న సందర్భాలు అనేకం.
రాజస్థాన్లో కీలక ఆటగాళ్లు వీరే
ఈ సీజన్ ఆరంభంలో రాజస్థాన్ రాయల్స్ జట్టుకు రహానే కెప్టెన్గా వ్యవహారించాడు. అయితే, స్టీవ్ స్మిత్కు ఎప్పుడైతే కెప్టెన్సీ పగ్గాలు అప్పగించారో ఆ జట్టు వరుస విజయాలతో దూసుకుపోతుంది. కెప్టెన్గా స్టీవ్ స్మిత్ యావరేజి 44.3 కాగా, స్ట్రయిక్ రేట్ 130గా ఉంది. ఈ సీజన్లో స్టీవ్ స్మిత్కు బహుశా ఇదే ఆఖరి మ్యాచ్ కావొచ్చు. ఈ మ్యాచ్ అనంతరం వరల్డ్కప్ సన్నాహాకాల్లో భాగంగా ఆస్ట్రేలియాకు పయనం కానున్నాడు. మరోవైపు ఈ సీజన్ మాత్రం శ్రేయాస్ గోపాల్కు డ్రీమ్ సీజన్.
నేటి మ్యాచ్లో విజయమెవరిది?
ఈ సీజన్లో ఇరు జట్లు నిలకడలేమి ప్రదర్శనను కొనసాగించాయి. అయితే, ఆర్సీబీతో పోలిస్తే రాజస్థాన్ కొంత మేరకు ఫరవాలేదు. ఆర్సీబీ సొంత గడ్డపై ఈ మ్యాచ్ జరుగుతుండటంతో అభిమానుల మద్దతు ఆ జట్టుకే ఉంటుంది. మరోవైపు గత రెండు మ్యాచ్ల్లో రాజస్థాన్ రాయల్స్ విజయాలు సాధించింది. ఈ ఆత్మవిశ్వాసంతో రాజస్థాన్ బరిలోకి దిగనుంది. రాజస్థాన్ లేదా ఆర్సీబీ ఏ జట్టు గెలిచినా... ప్లేఆఫ్ అవకాశాలపై ప్రభావం చూపిస్తుంది.
Story first published: Tuesday, April 30, 2019, 16:26 [IST]
Other articles published on Apr 30, 2019
Log in for Better Reading Experience!
Continue with Google By signing in, you agree to our Terms and Privacy Policy
Gender
Select your Gender
- Male
- Female
- Others
Age
Select your Age Range
- Under 18
- 18 to 25
- 26 to 35
- 36 to 45
- 45 to 55
- 55+