|
కూతురు ఎంకరేజ్.. తండ్రి చిరునవ్వులు:
చెన్నై టాస్ గెలిచి బ్యాటింగ్ ఎంచుకోవడంతో.. ఫీల్డింగ్ కోసం సన్రైజర్స్ ఆటగాళ్లు మైదానంలోకి దిగారు. డేవిడ్ వార్నర్ తన జట్టు సభ్యులతో మాట్లాడుతున్నాడు. ఇదే సమయంలో వార్నర్ కూతురు ఇండి రే.. 'గో డాడీ' అని ఉన్న ప్లకార్డు చూపిస్తూ తండ్రిని ఎంకరేజ్ చేసింది. మైదానంలోని వార్నర్ ఇది చూసి చిరునవ్వులు చిందించాడు. వార్నర్తో పాటు రషీద్ ఖాన్, సందీప్ శర్మలు కూడా నవ్వులు పూయించారు.
ఐపీఎల్కే అందాన్ని తెస్తాయి:
దీనికి సంబంధించిన వీడియోను ఐపీఎల్ తన అధికారిక ట్విటర్ ఖాతాలో పోస్టు చేసింది. 'ఇలాంటి ఘటనలు ఐపీఎల్కే అందాన్ని తెస్తాయి' అని ఓ కాప్షన్ పెట్టింది. వీడియో పోస్ట్ చేసిన కొద్ది వ్యవధిలోనే నెట్టింట్లో తెగ వైరల్ అయింది. దీనిపై అభిమానులు తమదైన స్టయిల్లో కామెంట్లు పెడుతున్నారు.
సన్రైజర్స్ విజయం:
ఉప్పల్ వేదికగా బుధవారం జరిగిన మ్యాచ్లో చెన్నై సూపర్కింగ్స్పై సన్రైజర్స్ హైదరాబాద్ 6 వికెట్ల తేడాతో గెలిచింది. తొలుత బ్యాటింగ్కు చేసిన చెన్నై నిర్ణీత 20 ఓవర్లలో 5 వికెట్ల నష్టానికి 132 పరుగులు చేసింది. డుప్లెసిస్ (31 బంతుల్లో 45; 3 ఫోర్లు, 3 సిక్సర్లు), వాట్సన్ (29 బంతుల్లో 31; 4 ఫోర్లు)లు రాణించారు. అనంతరం లక్ష్య ఛేదనలో సన్రైజర్స్ 16.5 ఓవర్లలో 4 వికెట్లు కోల్పోయి 137 పరుగులు చేసి విజయం సాధించింది. వార్నర్ (25 బంతుల్లో 50; 10 ఫోర్లు), బెయిర్స్టో (44 బంతుల్లో 61 నాటౌట్; 3 ఫోర్లు, 3 సిక్స్లు) అర్ధ సెంచరీలు చేశారు.