క్వాలిఫయిర్ 1: CSK vs MI: గత హైలెట్స్, హెడ్ టు హెడ్ రికార్డులివే!

హెడ్ టు హెడ్ రికార్డు

గతంలో ఈ రెండు జట్లు ఇప్పటివరకు 28 సార్లు తలపడ్డాయి. ఇందులో ముంబై ఇండియన్స్ 16 సార్లు విజయం సాధించగా... 12 సార్లు చెన్నై సూపర్ కింగ్స్ జట్టు విజయం సాధించింది. ఐపీఎల్ 12 సీజన్‌లో చెన్నైతో తలపడిన రెండు మ్యాచ్‌ల్లోనూ ముంబై ఇండియన్సే విజయం సాధించడం విశేషం. వాంఖడె స్టేడియంలో జరిగిన మ్యాచ్‌లో 37 పరుగులు, చెపాక్ వేదికగా జరిగిన మ్యాచ్‌లో 46 పరుగుల తేడాతో ముంబై విజయం సాధించింది.

సీఎస్‌కే జట్టులో చూడదగ్గ ఆటగాడు - ఇమ్రాన్ తాహిర్

దక్షిణాప్రికా వెటరన్ స్పిన్నర్ అయిన ఇమ్రాన్ తాహిర్ ఈ సీజన్‌లో అద్భుతమైన ఫామ్‌లో కొనసాగుతున్నాడు. ఈ సీజన్‌లో ఇమ్రాన్ తాహిర్ ఇప్పటివరకు ఆడిన 14 మ్యాచ్‌ల్లో 21 వికెట్లు తీశాడు. అంతేకాదు ఢిల్లీ క్యాపిటల్స్ బౌలర్ కగిసో రబాడ తర్వాత పర్పుల్ క్యాప్ రేసులో ఉన్న ఆటగాడు ఇమ్రాన్ తాహిరే.

ముంబై జట్టులో చూడదగ్గ ఆటగాడు - హార్ధిక్ పాండ్యా

ఈ సీజన్లో ఇప్పటివరకు ఆడిన 14 మ్యాచ్‌ల్లో హార్ధిక్ పాండ్యా 197 స్ట్రయిక్ రేట్‌తో 373 పరుగులు చేశాడు. ఈ సీజన్‌లోని మిగతా జట్లకు ముంబై జట్టుకు తేడా అతడే. ఒంటిచేత్తో ముంబైకి విజయాలనందించాడు. ఇక, బంతితో సైతం మెరుపులు మెరిపించాడు. ఈ సీజన్‌లో ఇప్పటికే హార్ధిక్ పాండ్యా 14 వికెట్లు తన ఖాతాలో వేసుకున్నాడు.

జట్ల అంచనా

చెన్నై సూపర్ కింగ్స్

షేన్ వాట్సన్, డుప్లెసిస్, సురేశ్ రైనా, అంబటి రాయుడు, మురళీ విజయ్, మహేంద్ర సింగ్ ధోని, రవీంద్ర జడేజా, డ్వేన్ బ్రావో, దీపక్ చాహర్, హర్భజన్ సింగ్, ఇమ్రాన్ తాహిర్

ముంబై ఇండియన్స్

రోహిత్ శర్మ(కెప్టెన్), క్వింటన్ డీకాక్, సూర్యకుమార్ యాదవ్, ఇషాన్ కిషన్, కృనాల్ పాండ్యా, హార్ధిక్ పాండ్యా, కీరన్ పొలార్డ్, రాహుల్ చాహర్, మిచెల్ మిక్లెన్ గన్, లసిత్ మలింగ, బుమ్రా