క్రిస్‌గేల్‌తో సామ్‌ కరన్‌! అప్పుడు.. ఇప్పుడు

పిచ్చి అభిమానంతో ఫొటో:

కరన్‌ పాఠశాలకు వెళ్లే వయసులో స్కూల్ యూనిఫాంలో ఉన్నప్పుడు గేల్‌పై పిచ్చి అభిమానంతో ఫొటో దిగాడు. తాజాగా ఐపీఎల్‌లో పంజాబ్‌కు ఆడుతుండగా.. గేల్‌తో మరోసారి కరన్‌ ఫొటో దిగాడు. అయితే ఈ రెండు ఫొటోలను జత చేసి... గేల్.సోషల్ మీడియాలో పోస్ట్ చేసాడు. 'ఇది ఏ యువ క్రికెటర్‌కైనా ప్రత్యేకమైదే. మీరు ఏం సాధించారు.. ఈ రోజు ఎక్కడున్నారు..? అనే విషయం చెప్పగలను. ఈ ఫొటోలో నేను యువకుడిలా ఉన్నాను.. కానీ నాకంటే ఇంకో యువకుడు ఉన్నాడు' అని గేల్ కామెంట్ పెట్టాడు.

ఫొటో చాలా బాగుంది:

ఇంకేముంది గేల్ పోస్ట్ చేసిన కొద్దీ క్షణాల్లోనే ఆ ఫొటో వైరల్ అయింది. క్రికెట్ అభిమానులు తమదైన స్టయిల్లో కామెంట్లు పెడుతున్నారు. అప్పుడు.. ఇప్పుడు కరన్‌ అందంగా ఉన్నాడని కామెంట్ చేస్తున్నారు. వెస్టిండీస్‌ వెటరన్ క్రికెటర్ బ్రియన్‌ లారా కూడా ఈ ఫొటోను తన ట్విటర్‌ ఖాతాలో షేర్‌ చేశాడు. 'ఫొటో చాలా బాగుంది. మ్యాచ్ చాలా బాగా ఆడావ్ సామ్‌ కరన్‌. మరో మంచి ప్రదర్శనతో రా' అని కామెంట్ పెట్టాడు.

వేలంలో రూ.7.2కోట్లు:

2019 ఐపీఎల్‌ వేలంలో కరన్‌ను కింగ్స్‌ ఎవెవన్‌ పంజాబ్‌ రూ.7.2కోట్లు వెచ్చించి కొనుక్కుంది. దిల్లీ క్యాపిట్స్‌తో జరిగిన మ్యాచ్‌లో గేల్‌ గాయపడడంతో.. అతని స్థానంలో కరన్‌ జట్టులోకి వచ్చాడు. 167 పరుగుల లక్ష్యఛేదనలో 144/3 స్కోరుతో గెలుపుపై ధీమాగా ఉన్న ఢిల్లీని కరాన్ హ్యాట్రిక్‌తో ఓడించాడు. వచ్చిన అవకాశాన్ని సద్వినియోగపరుచుకుని పంజాబ్‌కు ఊహించని విజయాన్ని కట్టబెట్టాడు. దీంతో ఒక్కసారిగా ఈ యువ ఆల్‌రౌండర్‌ స్టార్ అయ్యాడు. ఈ సీజన్-12లో ఇప్పటివరకు కరన్ పేరు మారుమోగుతోంది.