ఒంటి చేత్తో విరాట్ షాట్‌ను ఒడిసిపట్టిన యూసఫ్ పఠాన్ (వీడియో)

కెప్టెన్‌ కోహ్లి నిలకడగా ఆడటంతో:

ఓపెనర్లు పార్థివ్‌ పటేల్‌ (20), మనన్‌ వోహ్రా (8) ఎంతోసేపు క్రీజులో నిలవకపోయినా.. కెప్టెన్‌ కోహ్లి నిలకడగా ఆడటంతో బెంగళూరు లక్ష్యం వైపు సాగింది. షకిబ్‌ బౌలింగ్‌లో ఒక సిక్సర్‌, రెండు ఫోర్లతో చెలరేగాడు. విరాట్‌. మరో ఎండ్‌లో డివిలియర్స్‌ (5) ఉండటంతో బెంగళూరుదే మ్యాచ్‌ అనిపించింది. ఐతే కోహ్లి ఔటవడంతో పరిస్థితి ఒక్కసారిగా మారిపోయింది.

సన్‌రైజర్స్ మ్యాచ్ చేజారేలా కనిపించి:

కోహ్లి ధాటిగా ఆడుతుండటంతో మ్యాచ్ సన్‌రైజర్స్ చేజారేలా కనిపించింది. గెలవాలంటే కోహ్లిని పెవిలియన్ చేర్చడమే మార్గం అనుకుంటున్న తరుణంలో.. షకీబ్ బౌలింగ్‌లో యూసుఫ్ పఠాన్ అద్భుత క్యాచ్‌తో విరాట్‌ను ఔట్ చేశాడు.

పదో ఓవర్లో విరాట్ బంతిని కట్ చేయబోయి:

షకీబ్ వేసిన ఇన్నింగ్స్ పదో ఓవర్లో విరాట్ బంతిని కట్ చేయబోయాడు. కానీ బ్యాట్ ఎడ్జ్ తీసుకొని బంతి గాల్లోకి లేచింది. థర్డ్ మ్యాన్ పొజిషన్లో ఉన్న పఠాన్ వెనక్కి వెళ్తూ.. ఒంటి చేత్తో అద్భుతమైన క్యాచ్ అందుకున్నాడు. కోహ్లి ఔటవడంతో సన్‌రైజర్స్ సంబరాల్లో మునిగిపోయింది. తర్వాత మన్‌దీప్-గ్రాండ్‌హోమ్ పోరాడినా.. సన్‌రైజర్స్‌దే పైచేయిగా నిలిచింది.

బెంగళూరు విజయానికి 12 పరుగులు:

ఆఖరి ఓవర్లో బెంగళూరు విజయానికి 12 పరుగులు సాధిస్తే సరిపోయే వేళ.. భువీ అద్భుత బౌలింగ్‌తో జట్టును గెలిపించాడు. 147 పరుగుల లక్ష్యంతో బరిలో దిగిన బెంగళూరు ఆరంభంలో విజయం దిశగా సాగింది. 7 ఓవర్లలో 70/2తో గెలిచేలా కనిపించింది. అయినా చివరికి 5 పరుగుల తేడాతో ఓటమి తప్పలేదు.