రసవత్తరంగా ప్లే ఆఫ్ రేసు: ఉప్పల్‌లో సన్‌రైజర్స్‌తో కోల్‌కతా

పాయింట్ల పట్టికలో అగ్రస్థానంలో

ఇప్పటివరకు సన్‌రైజర్స్ హైదరాబాద్ ఆడిన 13 మ్యాచ్‌ల్లో 18 పాయింట్లతో పాయింట్ల పట్టకిలో అగ్రస్థానంలో కొనసాగుతుంటే.. కోల్‌కతా 14 పాయింట్లతో మూడో స్థానంలో ఉంది. కాగా, సన్‌రైజర్స్ వరుసగా రెండు ఓటములతో ఒకింత ఒత్తిడిలో ఉండగా, రాజస్థాన్‌పై విజయం సాధించి కోల్‌కతా ప్లేఆఫ్ అవకాశాలను మెరుగుపర్చుకుంది.

ప్లే ఆఫ్ రేసులో నిలవాలంటే కోల్‌కతా గెలవాల్సిందే

పాయింట్ల పరంగా కోల్‌కతా మెరుగ్గా ఉన్నప్పటికీ ఈ మ్యాచ్‌లో విజయం కోసం సర్వశక్తులు ఒడ్డాల్సిన పరిస్థితి. బౌలింగ్‌తో ప్రత్యర్థుల పాలిట సింహస్వప్నంలా నిలుస్తూ వరుస విజయాలతో అదరగొట్టిన సన్‌రైజర్స్ హైదరాబాద్, గత రెండు మ్యాచ్‌ల్లో స్థాయికి తగ్గ ఆటతీరును కనబర్చలేకపోయింది. చెన్నై, బెంగళూరు జట్లతో జరిగిన మ్యాచ్‌లో హైదరాబాద్ ఓడిపోయింది.

బసిల్ థంపీ చెత్త రికార్డు

బెంగళూరుతో జరిగిన మ్యాచ్‌లో హైదరాబాద్ బౌలర్ బసిల్ థంపీ రికార్డు స్థాయిలో నాలుగో ఓవర్లలో 70 పరుగులిచ్చుకుని ఐపీఎల్‌లో అత్యంత చెత్తరికార్డును నమోదు చేశాడు. దీంతో శనివారం కోల్‌కతాతో జరగనున్న మ్యాచ్‌లో థంపీని తప్పించే అవకాశముంది. ఇక, బ్యాటింగ్‌లో కెప్టెన్ విలియమ్సన్ జోరు కొనసాగుతుండగా, బెంగళూరు మ్యాచ్‌లో పాండే ఫామ్‌లోకి వచ్చాడు.

ఫామ్‌లోకి కుల్దీప్ యాదవ్

మరోవైపు కోల్‌కతా బ్యాటింగ్‌లో క్రిస్ లిన్, సునీల్ నరైన్, కెప్టెన్ దినేశ్ కార్తీక్‌పైనే ఎక్కువగా ఆధారపడుతోంది. ఇక, బౌలర్ల విషయానికి వస్తే శివమ్‌ మావి, ప్రసిద్ధ్ కృష్ణ, రస్సెల్ అంతగా ప్రభావమేమి చూపకపోతుండగా రాజస్థాన్ రాయల్స్‌తో జరిగిన మ్యాచ్‌లో కుల్దీప్ యాదవ్ నాలుగు వికెట్లతో ఫామ్‌లోకి వచ్చాడు.

జట్ల వివరాలు:

సన్‌రైజర్స్ హైదరాబాద్:

Kane Williamson (C), Shikhar Dhawan, Manish Pandey, Bhuvneshwar Kumar, Wriddhiman Saha, Siddharth Kaul, Deepak Hooda, Khaleel Ahmed, Sandeep Sharma, Yusuf Pathan, Shreevats Goswami, Ricky Bhui, Basil Thampi, T Natarajan, Sachin Baby, Bipul Sharma, Mehdi Hasan, Tanmay Agarwal, Alex Hales, Carlos Brathwaite, Rashid Khan, Shakib Al Hasan, Mohammad Nabi and Chris Jordan.

కోల్‌కతా నైట్ రైడర్స్:

Dinesh Karthik (C), Sunil Narine, Andre Russell, Chris Lynn, Robin Uthappa, Kuldeep Yadav, Piyush Chawla, Nitish Rana, Prasidh Krishna, Shivam Mavi, Mitchell Johnson, Shubman Gill, R. Vinay Kumar, Rinku Singh, Cameron Delport, Javon Searless, Apoorv Wankhade, Ishank Jaggi, Tom Curran.

మ్యాచ్ ప్రారంభం రాత్రి 8 గంటలకు