Click it and Unblock the Notifications
వివాదాల రాయల్ జట్టు:
కెప్టెన్ స్టీవ్ స్మిత్ బాల్ టాంపరింగ్ ఆరోపణలతో ఐపీఎల్ మొత్తానికే దూరమయ్యాడు. మరోవైపు కీలక ఆటగాడు బెన్ స్టోక్స్ కూడా వివాదంలో చిక్కుకుని ఇంగ్లాండ్ జట్టుకు దూరమై ఇటీవలే మళ్లీ వచ్చాడు.
స్టీవ్ స్మిత్ స్థానంలో అజింకా రహానె:
దక్షిణాఫ్రికాతో జరిగిన మొదటి టెస్టు మ్యాచ్లో ఆస్ట్రేలియా జట్టు బాల్ ట్యాంపరింగ్ కు పాల్పడింది. ఈ జట్టుకు నాయకత్వం వహించిన కెప్టెన్ స్టీవ్ స్మిత్ శిక్షకు గురైయ్యాడు. దీన్ని పరిగణనలోకి తీసుకున్న రాజస్థాన్ రాయల్స్ జట్టు యాజమాన్యం అతన్ని ఐపీఎల్ నుంచి కూడా తప్పించింది. అతని స్థానంలో జట్టులోకి హెన్రిచ్ క్లాసెన్ చేరాడు. కాగా, జట్టుకు కొత్త కెప్టెన్గా రహానె బాధ్యతలు భుజాన వేసుకున్నాడు.
జోఫ్రా ఆర్చర్కు ఇదే తొలి మ్యాచ్:
జోఫ్రా ఆర్చర్ను రూ.7.2 కోట్లు పెట్టి కొనుక్కుంది రాయల్స్. అతను ఇప్పటిదాకా ఒక్క అంతర్జాతీయ మ్యాచ్ కూడా ఆడలేదు. బిగ్బాష్ లీగ్లో హోబర్ట్ హరికేన్స్ తరఫున ఆల్రౌండ్ ప్రదర్శనతో అదరగొట్టాడు. స్థిరంగా గంటకు 145 కి.మీ వేగంతో బంతిని విసిరే జోఫ్రా.. బిగ్బాష్ లీగ్లో 30 వికెట్లు పడగొట్టాడు. భారీ సిక్స్లు కొట్టగల సమర్థత అతనికుంది.
బౌలర్కు అత్యధిక ధర:
అందర్ని ఆశ్చర్యపరుస్తూ రూ.11.5 కోట్ల ధర పలికిన పేసర్ జయ్దేవ్ ఉనద్కత్పైనే ఇప్పుడు అందరి దృష్టీ నిలిచింది. గత సీజన్లో అతను 12 మ్యాచ్లు ఆడి 24 వికెట్లు పడగొట్టాడు. జోఫ్రా ఆర్చర్, ధవళ్ కులకర్ణి లాంటి వాళ్ల నుంచి అతనికి సహకారం అందాల్సి ఉంది.
వేలంలో అత్యధిక ధర వెచ్చించి:
ఐపీఎల్ వేలంలో రాజస్థాన్ రాయల్స్ జట్టు కొనుగోలు చేసిన ఆటగాళ్లలో బెన్ స్టోక్స్ అత్యధికంగా రూ.12.5కోట్లు పలికాడు. పరుగులు సాధించగలడనే నమ్మకంతో ఈ ఇంగ్లాండ్ ఆల్ రౌండర్ను కొనుగోలు చేసిన జట్టు ఎంతవరకు సంతృప్తి చెందగలదో మ్యాచ్లో చూడాల్సిందే.
Continue with Google