Click it and Unblock the Notifications
జీవాను దగ్గరకు తీసుకుని సెల్ఫీ దిగిన షారుక్
కోల్‌కతాపై చెన్నై గెలుపు అనంతరం సంబరాలు జరుపుకుంటున్న జీవాను దగ్గరకు తీసుకున్న షారుక్ సెల్ఫీ దిగాడు. ఈ ఇద్దరూ కలిసి మ్యాచ్‌లో ప్రధానాకర్షణగా నిలిచారు. కోల్‌కతా ఓటమి తర్వాత కూడా కూల్‌గా కనిపించిన షారుక్ జీవాతో ఆనందంగా గడిపారు. ఇందుకు సంబంధించిన ఫొటో సోషల్ మీడియలో వైరల్ అయింది.
జీవాతో షారుక్ అల్లరి చూడండి
‘జీవాతో షారుక్ అల్లరి చూడండి, జీవాను చూసి షారుక్ చిన్నపిల్లాడిలా మారిపోయాడు' అంటూ నెటిజన్లు కామెంట్లు పెడుతున్నారు. గత ఆదివారం ఈడెన్‌గార్డెన్స్‌లో జరిగిన మ్యాచ్‌కి షారుక్ తన కుటుంబసభ్యులతో కలిసి హాజరైన సంగతి తెలిసిందే. ఆ మ్యాచ్‌లో కూతురు సుహానాతో ఉన్న ఫొటోలు సోషల్ మీడియాలో వైరల్ అయ్యాయి.
అభిమానుల అంచనాలను అందుకున్న చెన్నై
రెండేళ్ల తర్వాత సొంతగడ్డపై తొలి మ్యాచ్ ఆడిన చెన్నై అభిమానుల అంచనాలను అందుకుంది. పునరాగమనంలోనూ తమకు తిరుగులేదని ఘనంగా చాటి చెప్పింది. చెపాక్ స్టేడియంలో మంగళవారం జరిగిన మ్యాచ్‌లో చెన్నై 5 వికెట్ల తేడాతో కోల్‌కతా నైట్‌రైడర్స్‌పై ఉత్కంఠ విజయం సాధించింది.
సామ్ బిల్లింగ్స్‌కు మ్యాన్ ఆఫ్ ద మ్యాచ్ అవార్డు
కోల్‌కతా నిర్దేశించిన 203 పరుగుల లక్ష్యాన్ని 19.5 ఓవర్లలో 5 వికెట్లు కోల్పోయి చేధించింది. సామ్ బిల్లింగ్స్(23 బంతుల్లో 56, 2 ఫోర్లు, 5 సిక్స్‌లు), వాట్సన్(19 బంతుల్లో 42, 3 ఫోర్లు, 3సిక్స్‌లు) చెన్నై విజయంలో కీలకపాత్ర పోషించారు. హాఫ్ సెంచరీతో రాణించిన సామ్ బిల్లింగ్స్‌కు మ్యాన్ ఆఫ్ ద మ్యాచ్ దక్కింది.
