ధోనీ ఆటగాడు మాత్రమే కాదు.. ధోనీది ఒక శకం

క్రికెట్‌లో ధోనీది ఒక శకం:

ఈ సందర్భంగా మాథ్యూ హేడెన్ మాట్లాడుతూ... 'మీకు తెలుసా!! ధోనీ ఆటగాడు మాత్రమే కాదు.. క్రికెట్‌లో ధోనీది ఒక శకం. ఎన్ని విధాలుగా ఆలోచించినా.. గల్లీ క్రికెట్ జట్టుకు ఎంఎస్ ఒక కెప్టెన్‌గా వ్యవహరించినట్లు ఉంటుంది. అతను మాలో ఒకడు. జట్టులో ఒక సభ్యుడుగా అందరితో బాగుంటాడు. అతను ఏదైనా చేయగలడు' అని హేడెన్ పేర్కొన్నాడు.

తలా పేరుకి అర్హుడు:

'మ్యాచ్ కోసం అతను సన్నద్ధమయ్యే తీరు బాగుంటుంది. బౌలర్లకు స్వేచ్ఛనిస్తాడు. బౌలర్లకు ఏం కావాలో అడుగుతాడు. బౌలింగ్‌కు తగ్గట్లు ముందే ఫీల్డింగ్ సెట్ చేస్తాడు. ఆటగాళ్ల నుంచి తనకు కావాల్సిన దాన్ని రాబట్టుకుంటాడు. ఓ భాద్యతగా పనిచేయడం అతనికే సాధ్యం. తలా అనే పేరుకి అర్హుడు' అని హేడెన్ తెలిపారు. హేడెన్ ఇంతకుముందు చెన్నైకి ప్రాతినిధ్యం వహించిన విషయం తెలిసిందే.

చెన్నై ఓటమి:

ఉప్పల్ వేదికగా ఆదివారం జరిగిన ఫైనల్‌లో చెన్నై ఒక పరుగు తేడాతో ఓడిపోయింది. చెన్నై 20 ఓవర్లలో 7 వికెట్లకు 148 పరుగులు చేసింది. ఓపెనర్ షేన్‌ వాట్సన్‌ (59 బంతుల్లో 80; 8 ఫోర్లు, 4 సిక్సర్లు) అర్ధ సెంచరీ సాధించినా జట్టును గెలిపించలేకపోయాడు. టాస్‌ గెలిచి బ్యాటింగ్‌ ఎంచుకున్న ముంబై నిర్ణీత 20 ఓవర్లలో 8 వికెట్ల నష్టానికి 149 పరుగులు చేసింది. కీరన్‌ పొలార్డ్‌ (25 బంతుల్లో 41 నాటౌట్‌; 3 ఫోర్లు, 3 సిక్సర్లు), డికాక్‌ (17 బంతుల్లో 29; 4 సిక్సర్లు) రాణించారు.