‘డైపర్ కోహ్లీ’కి సచిన్ స్పెషల్ ట్రైనింగ్ (వీడియో)

ముంబై: రెండేళ్ల క్రితం డైపర్ వేసుకుని ప్లాస్టిక్ బ్యాట్‌తో అద్భుతమైన కవర్ డ్రైవ్, స్ట్రెయిట్ డ్రైవ్‌లు ఆడుతూ సోషల్ మీడియా సెన్సేషన్‌గా మారిన బుడ్డోడు గుర్తున్నాడా? ఆ ఒక్క వీడియాతో యావత్ క్రికెట్ ప్రపంచ దృష్టిని ఆకర్షించి, డైపర్ క్రికెటర్, డైపర్ కోహ్లీగా ఫేమస్ అయిన ఆ బుడ్డోడు తాజాగా తన ఆరాధ్య క్రికెటర్ సచిన్ టెండూల్కర్‌ను కలిసాడు.

తనను ఆదర్శంగా తీసుకొని క్రికెటర్‌గా ఎదగాలనుకుంటున్న ఐదేళ్ల ఎస్‌.కె షాహిద్ గురించి తెలుసుకున్న టీమిండియా లెజెండ్ సచిన్ టెండూల్కర్ సొంత ఖర్చులతో అతనికి ఐదు రోజుల స్పెషల్ ట్రైనింగ్ ఇప్పించాడు. అతని కలను నిజం చేశాడు.

సచిన్ మెళకువలు..

సచిన్ మెళకువలు..

ముంబైలోని టెండూల్కర్ మిడిలెక్స్ గ్లోబల్ అకాడమీలో షాహిద్‌కు సచిన్ దగ్గరుండి మెళకువలు నేర్పించాడు. అతడికి కొన్ని టిప్స్ కూడా చెప్పి సంతకం చేసిన ఓ బ్యాట్‌ను గిఫ్ట్‌గా ఇచ్చాడు. ‘మేం అప్‌లోడ్ చేసిన వీడియో చూసిన సచిన్ సర్ మమ్మల్ని ముంబైకి ఆహ్వానించారు. ఐదు రోజుల పాటు అకాడమీలో షాహిద్‌కు క్రికెట్ ట్రైనింగ్ ఇప్పించారు.

బ్యాక్ ఫుట్, ఫ్రంట్ ఫుట్‌లో ఎలాంటి షాట్స్ ఆడాలో చూపించారు. క్యాచ్‌లు ఎలా పట్టాలో నేర్పారు. షాహిద్‌లో ఎంతో ప్రతిభ ఉందని మెచ్చుకున్నారు. సచిన్ సర్ చేసిన దానికి కేవలం కృతజ్ఞతలు చెబితే సరిపోదు'అని షాహిద్ తండ్రి షేక్ షంషేర్ తెలిపాడు.

సెలూన్ వర్కర్‌గా..

షాహిద్ తండ్రి షేక్ షంషేర్‌ హెయిర్ సెలూన్‌లో వర్కర్‌గా పని చేస్తూ జీవినం సాగిస్తున్నాడు. రెండేళ్ల క్రితం తన కొడుకు బ్యాటింగ్ ప్రాక్టీస్‌కు సబంధించిన వీడియోను సోషల్ మీడియా వేదికగా షేర్ చేశాడు. డైపర్ వేసుకున్న బుడ్డొడూ అచ్చం టీమిండియా మాజీ కెప్టెన్ విరాట్ కోహ్లీ తరహాలో కవర్ డ్రైవ్స్ షాట్స్ ఆడాడు. దాంతో ఆ వీడియో క్రికెట్ అభిమానులను విపరీతంగా ఆకట్టుకుంది.

ప్రపంచవ్యాప్తంగా ఉన్న దిగ్గజ క్రికెటర్లు కూడా ఆ బుడ్డోడు టాలెంట్‌ను చూసి ఆశ్చర్యపోయారు. ఇటీవల గుండెపోటుకు గురైన షేన్ వార్న్ సైతం అప్పట్లో ఈ బుడ్డోడిని మెచ్చుకున్నాడు. క్రికెట్‌లో అతనికి మంచి భవిష్యత్తు ఉండాలని ఆకాంక్షించాడు.

Sachin Tendulkar To Take Up A Key Role In BCCI | Oneindia Telugu
సొంత ఖర్చులతో..

సొంత ఖర్చులతో..

సచిన్ టెండూల్కర్ సైతం ఈ వీడియోను చూసే షాహిద్ ఆటతీరుకు ఫిదా అయ్యాడు. అప్పట్లోనే అతన్ని మెచ్చుకున్నాడు. తాజాగా అతనికి స్పెషల్ ట్రైనింగ్ ఇప్పించాడు. వారిని ముంబైకి రప్పించి.. తన గెస్ట్ హౌస్‌లో ఏర్పాట్లు మరి షాహిద్‌కు ఐదు రోజుల ట్రైనింగ్ ఇప్పించాడు. పూర్తి ఖర్చులు సచినే భరించాడు. ఆస్ట్రేలియా చానెల్ ఫాక్స్ స్పోర్ట్స్ ఈ డైపర్ బాలుడి బ్యాటింగ్ ప్రాక్టీస్ వీడియోను సోషల్ మీడియాలో షేర్ చేసింది. సచిన్, వార్న్, మైకేల్ వాన్‌లను ట్యాగ్ చేసింది. దాంతో ఆ బుడ్డోడు ప్రపంచవ్యాప్తంగా ఫేమస్ అయ్యాడు. బ్రెట్ లీ, మైకేల్ వాన్ వంటి దిగ్గజ ఆటగాళ్లు సైతం ఈ బుడ్డోడి ప్రతిభకు ఫిదా అయ్యారు.

For Quick Alerts
ALLOW NOTIFICATIONS
For Daily Alerts
Story first published: Saturday, March 12, 2022, 10:49 [IST]
Other articles published on Mar 12, 2022
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Yes No
Settings X