సెహ్వాగ్ స్థానంలో దినేష్ కార్తిక్

నాటింగ్‌ హమ్‌: తొలి నుంచిఫిట్‌ నెస్‌ పై అనుమానాలు రేకెత్తిస్తూ, ప్రాక్టీస్‌ కు రాకుండా, మొదటి సూపర్‌ లీగ్‌ మ్యాచ్‌ కు కూడా దూరమైన వీరేంద్ర సెహ్వాగ్‌ ప్రపంచ కప్‌ నుంచి వైదొలిగాడు. భుజం గాయానికి శస్త్ర చికిత్స అవసరమని వైద్యులు సూచించడంతో వీరూ భారత్‌కు తిరిగి రానున్నాడు. వీరూ స్థానంలో వికెట్‌కీపర్‌ బ్యాట్స్‌మన్‌ దినేశ్‌ కార్తీక్‌ జట్టుతో చేరనున్నాడు. కార్తీక్‌ రాకతో రిజర్వ్‌ వికెట్‌కీపర్‌ స్థానం కూడా భర్తీ కానుంది. బుధవారం ఐర్లాండ్‌తో రెండో లీగ్‌ మ్యాచ్‌ ఉండటంతో నెట్స్‌ దగ్గరకు వచ్చిన వీరూ ఇబ్బందిగా కదిలాడు. ఇషాంత్‌, ప్రవీణ్‌ లు వేసిన 12 బంతులు ఎదుర్కొన్న సెహ్వాగ్‌ ఆపై ఆడలేకపోయాడు. భుజం నొప్పితో బాధపడ్డాడు. టీమ్‌ మసాజర్‌ తో కాసేపు మసాజ్‌ చేయించుకున్న వీరూ ఫిజియో నితిన్‌ పటేల్‌ ను ఇచ్చిన టాబ్లెట్లు కూడా మింగాడు. వీరూను పరీక్షించిన వైద్యులు అతను ఫిట్‌గా లేడని చెప్పారని అతనికి అత్యవసరంగా భుజానికి శస్త్ర చికిత్స చేయాలని కూడా సూచించారని బీసీసీఐ వర్గాలు వెల్లడించాయి.

రాత్రి 10 నుంచి: టీ20 ప్రపంచ కప్‌ లో ఇప్పటికే సూపర్‌ఎయిట్‌కు అర్హత సాధించిన టీమ్‌ ఇండియా ట్రెంట్‌ బ్రిడ్జ్‌ చివరి లీగ్‌ మ్యాచ్‌(రాత్రి 10 నుంచి)లో బుధవారం సంచలనాల ఐర్లాండ్‌ ను ఢీకొంటుంది. మరో మ్యాచ్‌ (సాయంత్రం 6 నుంచి)లో శ్రీలంక, వెస్టిండీస్‌ తలపడనున్నాయి. ఐతే ఇప్పటికే సూపర్ ‌8 స్థానాలు ఖరారు కావడంతోఈ మ్యాచ్‌ ల ఫలితాలు ఎవరి అవకాశాలపై ఎలాంటి ప్రభావం చూపవు.