Virat Kohli: విరాట్ కోహ్లీకి పాక్ పేసర్ బర్త్ డే విషెస్.. ముందే చెప్పిన దహానీ..

పాకిస్థానీ పేసర్, షానవాజ్ దహానీ విరాట్ కోహ్లీకి పుట్టిన రోజు శుభాకాంక్షలు తెలిపారు. విరాట్ కోహ్లీకి నేటితో 34 ఏళ్లు నిండాయి. తన జాతీయ జట్టు శిబిరంలో భాగంగా ఆస్ట్రేలియాలో ఉన్న పాకిస్తానీ పేసర్ విరాట్‌తో కలిసి ఉన్న చిత్రాన్ని ట్విట్టర్‌లో పంచుకున్నాడు. అయితే ఒక రోజు ముందుగానే విషెస్ చెప్పాడు. "క్రికెట్‌ను అత్యంత సుందరంగా తీర్చిదిద్దిన కళాకారుడికి శుభాకాంక్షలు తెలిపేందుకు నవంబర్ 5 వరకు వేచి ఉండలేకపోయాను. @imVkohli #GOATకి పుట్టినరోజు శుభాకాంక్షలు. మీ రోజును ఆస్వాదించండి సోదరా & ప్రపంచాన్ని అలరిస్తూ ఉండండి" అని దహానీ ట్వీట్ చేశారు.

విరాట్ కోహ్లీకి భారతదేశంలోనే అభిమానుల అభిమానం మాత్రమే కాదు, పాకిస్తాన్‌లో కూడా భారీ సంఖ్యలో అభిమానులు ఉన్నారు. మహ్మద్ అమీర్, బాబర్ అజామ్, హరీస్ రౌఫ్, అలాగే అనేక మంది మాజీ పాకిస్తానీ క్రికెటర్లు కూడా భారత బ్యాటింగ్ ఐకాన్‌కి పెద్ద అభిమానులుగా ఉన్నారు. T20 ప్రపంచ కప్ 2022లో, కోహ్లీ పాకిస్తాన్‌తో జరిగిన మ్యాచ్‌లో తన అత్యుత్తమ T20 ప్రదర్శనను అందించాడు. ఉత్కంఠ పోరులో అజేయంగా 82 పరుగులు చేశాడు.

విరాట్ కోహ్లీ టీ20 వరల్డ్ కప్ లో ఇప్పటివరకు 4 మ్యాచ్‌ల్లో 220 పరుగులు చేశాడు. అతను ఈ 4 మ్యాచ్‌లలో ఒక్కసారి మాత్రమే అవుట్ అయ్యాడు. రెండు వేర్వేరు సందర్భాలలో 'ప్లేయర్ ఆఫ్ ది మ్యాచ్' అవార్డు అందుకున్నాడు. టోర్నీలో ఇప్పటి వరకు మూడు హాఫ్ సెంచరీలు సాధించాడు. మరోవైపు పాకిస్థాన్ జట్టు 4 గ్రూప్ మ్యాచ్‌ల్లో 2 మాత్రమే గెలిచి టోర్నీ నుంచి ఎలిమినేషన్ అంచున ఉంది. భారత్‌తో ఓటమి తర్వాత, బాబర్ ఆజం & కో కూడా జింబాబ్వే చేతిలో ఓడిపోయింది. ఆ తర్వాత నెదర్లాండ్స్, దక్షిణాఫ్రికాపై గెలిచారు.