కుల్దీప్ మరో నాలుగు వికెట్లు తీస్తే షమీ రికార్డు బద్దలు

నాలుగు వికెట్లు తీస్తే:

2017లో వెస్టిండీస్‌పై అరంగేట్రం చేసిన లెఫ్ట్ ఆర్మ్ స్పిన్నర్‌ కుల్దీప్‌ యాదవ్‌ (24) మూడో వన్డేలో మరో నాలుగు వికెట్లు తీస్తే.. వన్డేల్లో అత్యంత వేగంగా భారత్ తరపున 100 వికెట్లు తీసిన బౌలర్‌గా రికార్డుల్లోకి ఎక్కనున్నాడు. ఈ క్రమంలో పేసర్ మొహ్మద్ షమీ రికార్డును కూడా బద్దలు కొట్టనున్నాడు. ప్రస్తుతం కుల్దీప్‌ 53 వన్డేల్లో 96 వికెట్లు పడగొట్టాడు. మరోవైపు షమీ 55 వన్డేల్లో 100 వికెట్లు తీసి అందరికంటే ముందున్నాడు. ఈ మ్యాచ్‌లో కుల్దీప్‌ 4 వికెట్లు తీస్తే షమీ రెండవ స్థానంకు చేరుకోనున్నాడు.

ప్రపంచకప్‌లో పేలవ ప్రదర్శన:

కుల్దీప్‌ రెండో వన్డేలో తన కోటా 10 ఓవర్లలో రెండు వికెట్లు తీసినా.. 59 పరుగులు సమర్పించుకున్నాడు. కుల్దీప్‌ ఈ రికార్డును ఐసీసీ ప్రపంచకప్‌లో సాధిస్తాడని అందరూ అనుకున్నారు. కానీ.. ఇంగ్లాండ్‌లో పేలవ ప్రదర్శన కారణంగా అతను ఈ మైలురాయిని చేరుకోలేకపోయాడు. కుల్దీప్‌ ప్రపంచకప్‌లోని 7 మ్యాచ్‌లలో కేవలం 6 వికెట్లు పడగొట్టాడు.

ద్రవిడ్‌కు విరుద్ధ ప్రయోజనాలు లేవు.. ఎన్‌సీఏ డైరెక్టర్‌గా మార్గం సుగమం

యువరాజ్‌ రికార్డుపై కన్ను:

హిట్‌మ్యాన్ రోహిత్‌ శర్మ భారత మాజీ ఆటగాడు 'సిక్సర్ల వీరుడు' యువరాజ్‌ సింగ్‌ రికార్డుపై కన్నేశాడు. భారత్ తరపున వన్డేల్లో అత్యధిక పరుగులు సాధించిన ఆటగాడిగా యువరాజ్‌ (8701) ప్రస్తుతం ఏడో స్థానంలో కొనసాగుతున్నాడు. ఎనిమిదవ స్థానంలో ఉన్న రోహిత్‌ శర్మ (8676) మరో 26 పరుగులు చేస్తే యువరాజ్‌ను అధిగమించనున్నాడు. భారత్‌ తరపున వన్డేల్లో అత్యధిక పరుగులు చేసిన ఆటగాళ్లలో మాజీ దిగ్గజం సచిన్‌ టెందుల్కర్‌ (18426) మొదటి స్థానంలో ఉన్నాడు.