భారత క్రికెటర్లు విదేశీ లీగ్‌లలో ఆడితే చూడాలనుంది: క్రిస్ గేల్

యువ క్రికెటర్లకు ఐపీఎల్ లాంచింగ్ ప్యాడ్

ఎంతో యువ క్రికెటర్లకు ఐపీఎల్ లాంచింగ్ ప్యాడ్ అనడంలో ఎలాంటి సందేహం లేదని తెలిపాడు. ఎంతో మంది క్రికెట్లను ఐపీఎల్ ఇంటర్నేషనల్ స్టార్లను చేసిందన్నాడు. భారత క్రికెటర్లు ఇతర టీ20 లీగుల్లో పాల్గొనడానికి అనుమతి ఇస్తే ఇంకా బాగుంటుందని గేల్ అభిప్రాయపడ్డాడు.

ఇండియా జట్టులో స్థానం సంపాదించడం కష్టమే

‘ఇండియాలో ఎంతో మంది క్రికెటర్లున్నారు. వాళ్లలో ప్రతిభావంతులైన చాలా మందికి ఐపీఎల్‌లో ఆడే అవకాశం దొరకడంలేదు. ఇలాంటి వాళ్లు ఇతర లీగుల్లో ఆడితే అది చూసి నేను చాలా సంతోషిస్తాను. కొంత మంది ప్రతిభావంతులైన క్రికెటర్లకు జాతీయ జట్టులో ఆడే అవకాశం రాదు. ఇండియా జట్టులో స్థానం సంపాదించడం ఎప్పుడూ కష్టమే. కాబట్టి అలాంటి వాళ్లకు ఇతర లీగుల్లో ఆడే అవకాశం ఇస్తే ఇంటర్నేషనల్ క్రికెట్ ఆడిన అనుభవం వాళ్లకు దక్కుతంది' అని గేల్ తన అభిప్రాయాలను వెల్లడించాడు.

100-బాల్ క్రికెట్‌పై కూడా గేల్ స్పందన

ప్రస్తుతం క్రికెట్ ప్రపంచంలో చర్చనీయాంశంగా మారిన 100-బాల్ క్రికెట్‌పై కూడా గేల్ స్పందించాడు. ‘నేను దీని గురించి క్షుణ్ణంగా తెలుసుకోలేదు. చాలా మంది దీని గురించి రకరకాలుగా మాట్లాడుతున్నారు. అయితే అసలు ఏం జరుగుతుందో వేచి చూడాలని నేననుకుంటున్నాను' అని గేల్ చెప్పాడు.

ఆఖరి ఓవర్‌తో 10 బంతులు వేయించాలని

100-బాల్ క్రికెట్‌ను పరిచయం చేయాలని ఇంగ్లండ్ క్రికెట్ బోర్డు తీసుకున్న నిర్ణయంపై మిశ్రమ స్పందన వస్తోంది. కొంత మంది చాలా బాగుంటుందని అంటే.. మరికొందరు అసలు దీని వల్ల క్రికెట్‌కు ఎలాంటి ఉపయోగం లేదని కొట్టిపారేస్తున్నారు. 15 ఓవర్ల పాటు ఒక్కో ఓవర్‌కు 6 బంతుల చొప్పున వేయించి, ఆఖరి ఓవర్‌తో 10 బంతులు వేయించాలని ఈసీబీ నిర్ణయించింది. కేవలం ఇంగ్లండ్, వేల్స్‌లో మాత్రమే ఈ క్రికెట్‌ను ఆడించేలా చూస్తున్నారు.