Click it and Unblock the Notifications
సెంచరీ చేయాలన్న కల చేజారింది
ఈ క్రమంలో గిల్, ధావన్ హాఫ్ సెంచరీ చేసుకుని తమ దాడిని మరింత తీవ్రతరం చేశారు. అయితే నికోలస్ పూరన్ డైరెక్ట్ హిట్ ద్వారా శుభ్ మన్ గిల్ (64పరుగులు 54బంతుల్లో 6ఫోర్లు, 2సిక్సర్లు)ను రనౌట్ చేయడంతో ఈ జోడీకి కళ్లెం పడింది. వీరిద్దరు 119పరుగుల ఓపెనింగ్ భాగస్వామ్యం ఇచ్చారు. ఆ తర్వాత గబ్బర్ తన మార్క్ షాట్లతో రెచ్చిపోయాడు.
ఈ క్రమంలో శ్రేయస్ అయ్యార్తో జత కలిసి బౌండరీలతో స్కోరుబోర్డును ఉరుకులెత్తించాడు. అయితే తొలుత నిదానంగా ఆడిన శ్రేయస్ కుదురుకున్న తర్వాత బౌలర్లపై పెత్తనం చెలాయించాడు. ధావన్ను (97పరుగులు 99బంతుల్లో 10ఫోర్లు, 3సిక్సర్లు) మోటీ ఊరించే బంతికి క్యాచ్ ఔట్ చేశాడు. జస్ట్ మూడు పరుగుల తేడాతో సెంచరీ మిస్ చేసుకున్నాడు. తద్వారా వన్డేల్లో వెస్టిండీస్ మీద సెంచరీ కొట్టాలన్న ధావన్ మరోసారి ఫెయిలయ్యాడు.
శ్రేయాస్ అయ్యార్ హాఫ్ సెంచరీ
అయితే కెప్టెన్ సాబ్ మాత్రం తన జోరును ప్రదర్శించడం భారత అభిమానులను ఆకట్టుకుంది. తర్వాత శ్రేయాస్ అయ్యార్ (54పరుగులు 57బంతుల్లో 5ఫోర్లు, 2సిక్సర్లు) సైతం హాఫ్ సెంచరీ పూర్తి చేసుకున్నాక మోటీ బౌలింగ్లో ఔటయ్యాడు. ఇక సూర్యకుమార్ యాదవ్ (13) సైతం ఎక్కువ సేపు క్రీజులో నిలబడలేకపోయాడు. దీంతో స్కోరు 38.4ఓవర్లకు 4వికెట్లు కోల్పోయి 247పరుగులకు చేరుకుంది. క్రీజులో దీపక్ హుడా, సంజూ శాంసన్ ఉన్నారు.
తుది జట్లు :
భారత్ (ప్లేయింగ్ XI): శిఖర్ ధావన్ ( కెప్టెన్ ), శుభమన్ గిల్, శ్రేయాస్ అయ్యర్, సూర్యకుమార్ యాదవ్, సంజు శాంసన్ (వికెట్ కీపర్), దీపక్ హుడా, అక్షర్ పటేల్, శార్దూల్ ఠాకూర్, మహ్మద్ సిరాజ్, యుజ్వేంద్ర చాహల్, ప్రసిద్ధ్ కృష్ణ
వెస్టిండీస్ (ప్లేయింగ్ XI): షాయ్ హోప్ ( వికెట్ కీపర్ ), బ్రాండన్ కింగ్, షమర్ బ్రూక్స్, కైల్ మేయర్స్, నికోలస్ పూరన్ (కెప్టెన్), రోవ్మన్ పావెల్, అకేల్ హోసేన్, రొమారియో షెపర్డ్, అల్జారీ జోసెఫ్, గుడాకేష్ మోటీ, జేడెన్ సీల్స్
Continue with Google