టీ20ల్లో అరుదైన రికార్డు.. వికెట్‌ దూరంలో చహల్‌!!

వికెట్‌ దూరంలో చహల్‌:

మూడో టీ20 మ్యాచ్‌లో టీమిండియా మణికట్టు స్పిన్నర్‌ యజ్వేంద్ర చహల్‌ అరుదైన ఘనతను అందుకోనున్నాడు. అంతర్జాతీయ టీ20ల్లో భారత్‌ తరఫున అత్యధిక వికెట్లు తీసిన బౌలర్‌గా నిలిచేందుకు చహల్‌ మరో వికెట్‌ దూరంలో ఉన్నాడు. ప్రస్తుతం అత్యధిక వికెట్లు (52) తీసిన స్పిన్నర్ రవిచంద్రన్‌ అశ్విన్‌తో సమానంగా ఉన్నాడు. ఈ మ్యాచ్‌లో అశ్విన్ లేడు కాబట్టి అరుదైన ఘనతను సాధించే అవకాశం చహల్‌ ముందుంది.

అశ్విన్ సరసన:

తొలి టీ20 మ్యాచ్‌లో జస్ప్రిత్‌ బుమ్రా (51 వికెట్లు) రికార్డును చహల్‌ అధిగమించాడు. అనంతరం మరో వికెట్ తీసి అశ్విన్ సరస చేరాడు. అయితే రెండో టీ20 మ్యాచ్‌లో 3 ఓవర్లు వేసి 36 పరుగులు ఇచ్చిన చహల్‌.. ఒక్క వికెట్ కూడా తీయలేకపోయాడు. ఇక అశ్విన్‌ 46 మ్యాచుల్లో 52 వికెట్లు తీయగా.. చహల్‌ 35 మ్యాచుల్లోనే పడగొట్టడం విశేషం. శ్రీలంక స్పి​న్నర్‌ అజంత మెండీస్‌ 26 మ్యాచ్‌లలోనే 50 వికెట్లు తీసాడు.

అగ్రస్థానంలో మలింగ:

టీ20ల్లో ఇప్పటివరకు 32 మంది బౌలర్లు 50కి పైగా వికెట్లు సాధించారు. ఈ జాబితాలో టీమిండియా తరుపున అశ్విన్‌, బుమ్రా, చహల్‌లు ఉన్నారు. టీ20ల్లో అత్యధిక వికెట్లు తీసిన జాబితాలో లంక పేసర్ లసిత్ మలింగ (106) అగ్రస్థానంలో ఉన్నాడు. ఆఫ్రిది (98), షకీబ్ (92), ఉమర్ గుల్ (85), సయీద్ అజ్మల్ (85)లు టాప్-5లో ఉన్నారు. టాప్-5లో ముగ్గురు పాక్ బౌలర్లు ఉండడం విశేషం.

వైరల్ ఫొటోలు.. చెల్లెలి మెహందీ వేడుకలో సానియా హొయలు!!

https://telugu.mykhel.com/tennis/sania-mirza-s-pictures-from-sister-anam-mirza-s-mehendi-shine-on-social-media/articlecontent-pf37923-025168.html

రెండు మార్పులు:

బుధవారం వాంఖడే మైదానంలో సిరీస్ డిసైడర్ మ్యాచ్ జరగనుంది. రాత్రి 7 గంటల నుంచి స్టార్‌ స్పోర్ట్స్‌-1లో మ్యాచ్ ప్రత్యక్ష ప్రసారం అవనుంది. ఈ మ్యాచ్ కోసం టీమిండియా రెండు మార్పులు చేసే అవకాశం ఉంది. భారీగా పరుగులు ఇస్తున్న దీపక్‌ చాహర్‌ స్థానంలో మొహమ్మద్ షమీని తీసుకునే అవకాశం ఉంది. వాషింగ్టన్‌ సుందర్‌ గత ఐదు మ్యాచ్‌ల్లో కేవలం 3 వికెట్లే పడగొట్టాడు. దీంతో సుందర్‌ బదులు కుల్‌దీప్‌ను పరీక్షించినా ఆశ్చర్యం లేదు.