టీ20ల్లో రోహిత్ శర్మ రికార్డు సెంచరీ: రెండో టీ20లో వెస్టిండిస్‌కు భారీ లక్ష్యం

Rohit sharma

హైదరాబాద్: లక్నో వేదికగా వెస్టిండిస్‌తో జరుగుతోన్న రెండో టీ20లో భారత కెప్టెన్ రోహిత్ శర్మ విజృంభించాడు. తనదైన శైలిలో దూకుడుగా ఆడి విండీస్ బౌలర్లకు చుక్కలు చూపించాడు. ఈ క్రమంలో రోహిత్ శర్మ అజేయ సెంచరీని నమోదు చేశాడు. టీ20ల్లో రోహిత్ శర్మకు ఇది నాలుగో సెంచరీ కావడం విశేషం.

India vs West Indies 2nd T20I : Rohit Sharma 100 Wala | Oneindia Telugu

దీంతో ఈ ఫార్మాట్‌లో అత్యధిక సెంచరీలు బాదిన క్రికెటర్‌గా రోహిత్ శర్మ అరుదైన రికార్డు నెలకొల్పాడు. అంతేకాదు కెప్టెన్‌గా రెండు సెంచరీలు చేసిన ఏకైక ఆటగాడిగా కూడా చరిత్ర సృష్టించాడు. రోహిత్ శర్మ (61 బంతుల్లో 111; 8 ఫోర్లు, 7 సిక్సులు)తో పాటు ఓపెనర్ శిఖర్ ధావన్ (41 బంతుల్లో 43; 3 ఫోర్లు), లోకేశ్ రాహుల్ (14 బంతుల్లో 26; 2 ఫోర్లు, ఒక సిక్సు)తో రాణించడంతో భారత్ నిర్ణీత 20 ఓవర్లలో రెండు వికెట్ల నష్టానికి 195 పరుగులు చేసింది.

ఈ మ్యాచ్‌లో తొలుత టాస్ గెలిచిన వెస్టిండిస్ జట్టు బౌలింగ్ ఎంచుకుంది. అనంతరం బ్యాటింగ్‌కు దిగిన భారత్‌కు ఓపెనర్లు మంచి ఆరంభాన్ని అందించారు. శిఖర్ ధావన్, రోహిత్ శర్మలు కలిసి తొలి వికెట్‌కి 123 పరుగులు జోడించారు. తొలి టీ20లో విఫలమైన ధావన్.. ఈ మ్యాచ్‌లో ఆచితూచి ఆడాడు.

1
44272

భారీ షాట్లకు ప్రయత్నించకుండా రోహిత్‌ శర్మకు చక్కటి సహకారాన్ని అందించాడు. మరోవైపు రోహిత్ శర్మ విండిస్ బౌలర్లపై విరుచుకుపడ్డాడు. ఈ క్రమంలో రోహిత్ శర్మ హాఫ్ సెంచరీని పూర్తి చేశాడు. మరోవైపు హాఫ్ సెంచరీకి చేరువైన ధావన్‌(43) పరుగుల వద్ద అల్లెన్ వేసిన 14వ ఓవర్ చివరి బంతికి పూరన్‌కి క్యాచ్ ఇచ్చి వెనుదిరిగాడు.

ఆ తర్వాత క్రీజులోకి వచ్చిన రిషబ్ పంత్(5) పిర్రే బౌలింగ్2లో హెట్మేర్‌కి క్యాచ్ ఇచ్చి పెవిలియన్ బాటపట్టాడు. అనంతరం లోకేశ్ రాహుల్, రోహిత్ శర్మ మరో వికెట్ పడకుండా జాగ్రత్తపడ్డారు. రోహిత్ శర్మ దూకుడుగా బ్యాటింగ్ చేస్తూ.. 61 బంతుల్లో 8 ఫోర్లు, 7 సిక్సులతో 111 పరుగులతో నాటౌట్‌గా నిలిచాడు.

ఇన్నింగ్స్ ఆఖరి ఓవర్‌లో రోహిత్ శర్మ సెంచరీ పూర్తి చేయడం విశేషం. విండీస్ కెప్టెన్ బ్రాత్‌వైట్ వేసిన ఈ ఓవర్‌లో రోహిత్ ఏకంగా 19 పరుగులు రాబట్టాడు. ఆఖరి ఓవర్‌లో బ్రాత్‌వైట్ 20 పరుగులు సమర్పించుకున్నాడు.

For Quick Alerts
ALLOW NOTIFICATIONS
For Daily Alerts
    Story first published: Tuesday, November 6, 2018, 21:28 [IST]
    Other articles published on Nov 6, 2018
    POLLS

    Mykhel బ్రేకింగ్ అలర్ట్స్ పొందండి

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more