Click it and Unblock the Notifications
విశాఖ వన్డేలో టీమిండియా 387: రోహిత్ సెంచరీతో బద్దలైన రికార్డులివే!
హైదరాబాద్: విశాఖ వేదికగా వెస్టిండిస్తో జరుగుతున్న రెండో వన్డేలో టీమిండియా పరుగుల వరద పారించింది. ముఖ్యంగా ఓపెనర్లు రోహిత్ శర్మ, కేఎల్ రాహుల్లు ఆకాశమే హద్దుగా చెలరేగడంతో టాస్ ఓడి తొలుత బ్యాటింగ్ చేసిన టీమిండియా నిర్ణీత 50 ఓవర్లలో 5 వికెట్లు కోల్పోయి 387 పరుగులు చేసింది.
రోహిత్ శర్మ(159; 138 బంతుల్లో 17 ఫోర్లు, 5 సిక్సర్లు), కేఎల్ రాహుల్(102; 104 బంతుల్లో 8 ఫోర్లు, 3 సిక్సర్లు)లు సెంచరీలకు తోడు శ్రేయస్ అయ్యర్(53;32 బంతుల్లో 3 ఫోర్లు, 4 సిక్సర్లు), రిషభ్ పంత్(39; 16 బంతుల్లో 3 ఫోర్లు, 4 సిక్సర్లు) చెలరేగడంతో టీమిండియా భారీ స్కోరు సాధించింది.
ఫలితంగా పర్యాటక జట్టుకు 388 పరుగుల విజయ లక్ష్యాన్ని నిర్దేశించింది. వెస్టిండిస్ బౌలర్లలో షెల్డన్ కాట్రెల్ రెండు వికెట్లు తీయగా... కీమో పాల్, అల్జారీ జోసెఫ్, కీరన్ పొలార్డ్లకు తలో వికెట్ లభించింది. ఈ మ్యాచ్లో టీమిండియా బద్దలు కొట్టిన రికార్డులను ఒక్కసారి పరిశీద్దాం...
రోహిత్ శర్మ సిక్సర్ల రికార్డు
ఒక క్యాలెండర్ ఇయర్ అత్యధిక అంతర్జాతీయ సిక్సర్లు సాధించిన రికార్డును రోహిత్ నెలకొల్పాడు. 2018లో 74 సిక్సర్లు బాదిన రోహిత్ శర్మ ఈ ఏడాది ఇప్పటివరకూ 77 సిక్సర్లు కొట్టాడు. ఫలితంగా అంతర్జాతీయ క్రికెట్లో ఒక క్యాలెండర్ ఇయర్ అత్యధిక సిక్సర్లు కొట్టిన రికార్డునిన నెలకొల్పాడు. ఈ జాబితాలో ఆ తర్వాతి స్థానాల్లో ఏబీ డివిలియర్స్(65 సిక్సర్లు), ఇయాన్ మోర్గాన్(60 సిక్సర్లు) ఐదో స్థానంలో ఉన్నాడు.
* 77 Rohit Sharma (2019)
* 74 Rohit Sharma (2018)
* 65 Rohit Sharma (2017)
* 63 AB de Villiers (2015)
* 60 Eoin Morgan (2019)
ఒక ఓవర్లో అత్యధిక పరుగుల రికార్డు
ఈ మ్యాచ్లో ఒక ఓవర్లో అత్యధిక పరుగుల రికార్డును టీమిండియా సవరించింది. 1999లో న్యూజిలాండ్తో జరిగిన వన్డే మ్యాచ్లో సచిన్ టెండూల్కర్-అజేయ్ జడేజాల జోడి ఒక ఓవర్లో 28 పరుగులు సాధించగా ఈ మ్యాచ్లో శ్రేయస్ అయ్యర్-రిషభ్ పంత్ల జోడి ఆ రికార్డుని బద్దలు కొట్టింది. ఈ మ్యాచ్లో రోస్టన్ ఛేజ్ వేసిన 47 ఓవర్లో అయ్యర్-పంత్ జోడీ ఒక ఓవర్లో 31 పరుగులు సాధించింది.
* 31 - అయ్యర్/ పంత్ v WI Vizag 2019
* 28 - సచిన్/ జడేజా v NZ Hyderabad 1999
* 27 - జహీర్ ఖాన్/ అజిత్ అగార్కర్ v Zim Jodhpur 2000
రెండో అత్యుత్తమ స్కోరు
ఈ మ్యాచ్లో టీమిండియా మరో అరుదైన రికార్డుని నమోదు చేసింది. వన్డేల్లో వెస్టిండిస్పై రెండో అత్యుత్తమ స్కోరును నమోదు చేసింది. 2011లో ఇండోర్లో జరిగిన మ్యాచ్లో విండీస్పై భారత్ 418 పరుగులు సాధించగా, ఆ తర్వాత స్థానంలో బుధవారం నాటి మ్యాచ్ తాజాగా చేరింది.
* 418/5 Indore 2011
* 387/5 Vizag 2019
* 377/5 Mumbai BS 2018
Story first published: Wednesday, December 18, 2019, 18:55 [IST]
Other articles published on Dec 18, 2019
Log in for Better Reading Experience!
Continue with Google By signing in, you agree to our Terms and Privacy Policy
Gender
Select your Gender
- Male
- Female
- Others
Age
Select your Age Range
- Under 18
- 18 to 25
- 26 to 35
- 36 to 45
- 45 to 55
- 55+