శ్రీలంకతో తొలి టీ20.. టాస్ గెలిచి ఫీల్డింగ్ ఎంచుకున్న భారత్!!

గువాహటి: మూడు టీ20ల సిరీస్‌లో భాగంగా గువాహటిలోని బర్సపర స్టేడియంలో మరికొద్ది సేపట్లో ప్రారంభం అయ్యే తొలి టీ20లో శ్రీలంకతో భారత్‌ తలపడుతుంది. టాస్ గెలిచిన భారత కెప్టెన్ విరాట్ కోహ్లీ ఫీల్డింగ్ ఎంచుకున్నాడు. పాండే, శాంసన్, చాహల్, జడేజా ఈ మ్యాచ్ ఆడడం లేదు. ముగ్గురు పేసర్లు, ఇద్దరు స్పిన్నర్లతో భారత్ బరిలోకి దిగుతోంది. మరోవైపు లంక కూడా ఐదుగురు బౌలర్లతో ఆడనుంది.

ఈ మ్యాచ్‌ గెలిచి ఏడాదిని విజయోత్సవంతో ప్రారంభించాలని భారత్‌ భావిస్తోంది. మరోవైపు లంక కూడా బోణీ కోసం చూస్తోంది. అయితే మరి కొత్త ఏడాదికి విజయంతో స్వాగతం పలికేదెవరో వేచి చూడాల్సిందే. రెండు జట్ల బలాబలాలు చూసినైట్లెతే, అన్ని విభాగాల్లోనూ కోహ్లీసేన బలంగా ఉంది. దాదాపు 22 నెలల తర్వాత భారత్‌, లంక జట్లు టీ20ల్లో ఎదురుపడనున్నాయి. 2018 ఆరంభంలో జరిగిన నిదాహస్‌ ట్రోఫీ అనంతరం ఈ రెండు జట్లు పొట్టి ఫార్మాట్‌లో పోటీపడలేదు.

బర్సపర ఫ్లాట్‌ పిచ్‌తో పాటు బౌండరీల విస్తీర్ణం తక్కువగా ఉండడంతో భారీ స్కోర్లు ఖాయం. గత వారం రోజులుగా వర్షాలు కురుస్తున్నాయి. స్పిన్నర్లకు కూడా అనుకూలించే అవకాశం ఉంది. ఉదయం ఆకాశం మేఘావృతంగా ఉంది. అయితే ఆటకు వరుణుడి ముప్పులేదు. 2017లో ఇక్కడ జరిగిన ఏకైక టీ20 మ్యాచ్‌లో ఆసీస్‌ చేతిలో భారత్‌ ఓడింది.

Teams:
Sri Lanka (Playing XI): Danushka Gunathilaka, Avishka Fernando, Kusal Perera(w), Oshada Fernando, Bhanuka Rajapaksa, Dhananjaya de Silva, Dasun Shanaka, Isuru Udana, Wanindu Hasaranga, Lahiru Kumara, Lasith Malinga(c).

India (Playing XI): Shikhar Dhawan, Lokesh Rahul, Virat Kohli(c), Shreyas Iyer, Rishabh Pant(w), Shivam Dube, Washington Sundar, Kuldeep Yadav, Shardul Thakur, Navdeep Saini, Jasprit Bumrah