రాంచీలో మూడో టెస్టు: టెస్టుల్లో తొలి వికెట్ తీసిన ఆనందం ఇలా ఉంటుంది! (వీడియో)

ఆడిన తొలి బంతికే దక్షిణాఫ్రికా కెప్టెన్ డుప్లెసిస్ ఔట్

ఇందుకు సంబంధించిన వీడియోని బీసీసీఐ తన అధికారిక ట్విట్టర్‌లో అభిమానులతో పంచుకుంది. సోమవారం 9/2 ఓవర్‌నైట్‌ స్కోరుతో మూడో రోజు ఇన్నింగ్స్‌ను కొనసాగించిన దక్షిణాఫ్రికాకు ఆరంభంలోనే గట్టి ఎదురుదెబ్బ తగిలింది. ఆడిన తొలి బంతికే దక్షిణాఫ్రికా కెప్టెన్ డుప్లెసిస్ ఔటయ్యాడు. దీంతో దక్షిణాఫ్రికా 16 పరుగులకే 3 వికెట్లు కోల్పోయి కష్టాల్లో పడింది.

91 పరుగుల భాగస్వామ్యం

ఈ సమయంలో క్రీజులోకి వచ్చి బవుమా నిలకడగా ఆడుతూ స్కోరుని పెంచే ప్రయత్నం చేశాడు. మరోవైపు జుబైర్ హమ్జా హాఫ్ సెంచరీ చేసి క్రీజులో పాతుకుపోయాడు. వీరిద్దరి జోడీ నిలకడగా ఆడుతూ సుమారు 22 ఓవర్ల పాటు క్రీజులో నిలబడి వికెట్లు కోల్పోకుండా అడ్డుకున్నారు. ఇద్దరూ కలిసి 91 పరుగుల భాగస్వామ్యాన్ని నెలకొల్పారు.

హమ్జా హాఫ్‌ సెంచరీ

అలాంటి సమయంలో వీరిద్దరి జోడిని నదీమ్ తన స్పిన్‌తో విడదీశాడు. సీనియర్ ప్లేయర్లు డీన్‌ ఎల్గర్‌, డీకాక్‌, డుప్లెసిస్‌ వంటి స్టార్‌ ఆటగాళ్లు విఫలమైన చోట హమ్జా హాఫ్‌ సెంచరీతో రాణించడం విశేషం. 56 బంతుల్లో 8 ఫోర్లు, 1 సిక్సర్‌తో అర్థ శతకం నమోదు చేశాడు. మూడో రోజు ఆటలో భాగంగా అశ్విన్‌ వేసిన 18 ఓవర్‌ ఆఖరి బంతిని సిక్స్‌ కొట్టడంతో హమ్జా హాఫ్‌ సెంచరీ పూర్తి చేసుకున్నాడు.

బావుమా నుంచి సహకారం

హమ్జాకు ఇది తొలి టెస్టు హాఫ్‌ సెంచరీ. ఏడాది ఆరంభంలో పాకిస్తాన్‌తో జరిగిన మ్యాచ్‌ ద్వారా టెస్టుల్లో అరంగేట్రం చేసిన హమ్జాకు ఇది రెండో టెస్టు. బావుమా నుంచి సహకారం లభించడంతో 90.00 స్ట్రైక్‌రేట్‌తో హమ్జా హాఫ్ సెంచరీ సాధించడం విశేషం. తన అద్భుతమైన ఇన్నింగ్స్‌తో సఫారీని గాడిలో పెట్టే ప్రయత్నం చేశాడు.