IND vs PAK: కాసేపట్లో భారత్-పాక్ మ్యాచ్.. ఎలా చూడాలంటే?

IND vs PAK: క్రికెట్ ఫ్యాన్స్‌కు ఆదివారం ఓ పండగ రోజులా మారనుంది. ఆసియన్ లెజెండ్స్ లీగ్ 2026లో భాగంగా నేడు(ఆగస్టు 2న) భారత్, పాకిస్తాన్ జట్ల మధ్య ఓ ఉత్కంఠభరితమైన మ్యాచ్ జరగనుంది. ఇరు జట్లలోనూ పలువురు మాజీ దిగ్గజ ఆటగాళ్లు ఉండటంతో అభిమానులు ఓ థ్రిల్లింగ్ మ్యాచ్‌ను ఆశించవచ్చు. భారత జట్టుకు మాజీ ఓపెనర్ శిఖర్ ధావన్ కెప్టెన్సీ వహించనుండగా.. పాకిస్తాన్ పాంథర్స్ జట్టుకు ఆల్‌‌రౌండర్ మహమ్మద్ హఫీజ్ కెప్టెన్‌గా వ్యవహరించనున్నారు. ఈ రెండు దాయాది దేశాల మధ్య జరిగే మ్యాచ్ కోసం ఉండే ఉత్కంఠ గురించి ప్రత్యేకంగా చెప్పాల్సిన అవసరం లేదు. ఈ మ్యాచ్ కూడా హోరాహోరీ సాగుతుందని అంచనా వేస్తున్నారు.

IND vs SL: ఇక గెలిచినట్టే.. శ్రీలంక టెస్ట్ సిరీస్‌కు మ్యాచ్ విన్నర్ దూరం!

మ్యాచ్‌ను ఎప్పుడు, ఎక్కడ, ఎలా చూడాలి?
ఆసియన్ లెజెండ్స్ లీగ్ 2026 జాంబియా రాజధాని అయిన లుసాకాలోని లోట్లే స్పోర్ట్స్ క్లబ్ గ్రౌండ్‌లో జులై 30 నుంచి ఆగస్టు 10 వరకు జరుగుతోంది. భారత్, పాకిస్తాన్ మధ్య మ్యాచ్ భారత కాలమానం ప్రకారం సాయంత్రం 4:00 గంటలకు ప్రారంభమవుతుంది, టాస్ సాయంత్రం 3:30 గంటలకు జరుగుతుంది. ఈ టీ20 మ్యాచ్ ప్రత్యక్ష ప్రసారం ఫ్యాన్‌కోడ్ యాప్, వెబ్‌సైట్‌లో అందుబాటులో ఉంటుంది. టీవీలో వీక్షించడానికి ఫ్యాన్‌కోడ్ యాప్‌ను స్మార్ట్ టీవీలలో కూడా ఉపయోగించవచ్చు. అయితే మ్యాచ్ చూడటానికి సబ్‌స్క్రిప్షన్ అవసరం.

రెండు జట్లలోనూ గొప్ప ఆటగాళ్లు
భారత జట్టులో శిఖర్ ధావన్‌తో పాటు సురేష్ రైనా, దినేష్ కార్తిక్, హర్భజన్ సింగ్, అంబటి రాయుడు, యూసుఫ్ పఠాన్, స్టువర్ట్ బిన్నీ, రిషి ధావన్ వంటి అనుభవజ్ఞులైన ఆటగాళ్లు ఉన్నారు. మరోవైపు పాకిస్థాన్ పాంథర్స్ జట్టులో మహమ్మద్ హఫీజ్, షోయబ్ మాలిక్, కమ్రాన్ అక్మల్, ఉమర్ అక్మల్, సోహైల్ తన్వీర్, వహాబ్ రియాజ్, సయీద్ అజ్మల్, మహమ్మద్ ఇర్ఫాన్, యాసిర్ షా వంటి సీనియర్ ఆటగాళ్లు ఉంటారు.

రెండు జట్లలోనూ అనుభవానికి కొదవ లేదు. భారత మాజీ స్టార్ ఆటగాళ్లు విజయం కోసం పోరాడుతుండగా.. పాకిస్థాన్ అనుభవజ్ఞులైన జట్టు వారికి గట్టి సవాలు విసరడానికి సిద్ధంగా ఉంది. అందుకే ఈ ఆసియన్ లెజెండ్స్ లీగ్ మ్యాచ్ టోర్నమెంట్‌లో అత్యంత ఆసక్తిగా ఎదురుచూస్తున్న మ్యాచ్‌లలో ఒకటిగా పరిగణించబడుతుంది. ఈ సూపర్ సండే పోరులో ఎవరు గెలుస్తారోనని క్రికెట్ అభిమానులు ఇప్పుడు ఆసక్తిగా ఎదురుచూస్తున్నారు.

Also Read

ఎంతమంది స్పిన్నర్లను పెట్టినా.. ఆ ఒక్కడు లేకపోతే టీమిండియాకు కష్టమే: మాజీ క్రికెటర్

ఇరు జట్లు ఇవే..
భారత రాయల్స్ జట్టు: శిఖర్ ధావన్ (కెప్టెన్), నమన్ ఓజా (వికెట్ కీపర్), అంబటి రాయుడు, సురేశ్ రైనా, యూసుఫ్ పఠాన్, దినేష్ కార్తీక్, స్టువర్ట్ బిన్నీ, షహబాజ్ నదీమ్, హర్భజన్ సింగ్, పవన్ నేగీ, మన్‌ప్రీత్ గోనీ, రిషి ధావన్, సుదీప్ సింఘాల్, అసాబ్ పజాల్, ఫైజద్ పజాల్ సరుల్ కన్వర్, ఈశ్వర్ పాండే, రాఘవ్ ధావన్, సుబోత్ భట్టి

పాకిస్థాన్ పాంథర్స్ జట్టు: షర్జీల్ ఖాన్, ఉమర్ అక్మల్, మహ్మద్ హఫీజ్ (కెప్టెన్), షోయబ్ మాలిక్, కమ్రాన్ అక్మల్ (వికెట్ కీపర్), ఇమ్రాన్ నజీర్, సమీ అస్లాం, అబ్దుర్ రెహ్మాన్, సోహైల్ తన్వీర్, సహైల్ తన్వీర్ నవేద్-ఉల్-హసన్, మహ్మద్ ఇర్ఫాన్, యాసిర్ షా, రహత్ అలీ, రానా నయీమ్ అన్వర్