కివీస్ పుంజుకుంటుంది.. ఇంకో మ్యాచ్‌ గెలవాల్సి ఉంది: కోహ్లీ

India vs New Zealand: Virat Kohli All Praise For Bowlers After Comprehensive Win In 2nd T20I

ఆక్లాండ్‌: అన్ని విభాగాల్లో అత్యుత్తమ ప్రదర్శన చేశాం. అందుకే రెండు మ్యాచ్‌లు గెలుపొందాం. కీలక సమయంలో ఆతిధ్య న్యూజిలాండ్‌ పుంజుకుంటుందని తెలుసు. సిరీస్ గెలవాలంటే ఇంకో మ్యాచ్‌ గెలవాల్సి ఉంది. అందుకు సిద్ధంగా ఉన్నాం అని టీమిండియా కెప్టెన్‌ విరాట్‌ కోహ్లీ తెలిపాడు. ఐదు టీ20ల సిరీస్‌లో భాగంగా ఆదివారం ఆక్లాండ్‌లోని ఈడెన్ పార్క్ వేదికగా న్యూజిలాండ్‌తో జరిగిన రెండో టీ20లో టీమిండియా ఘన విజయం సాధించిన విషయం తెలిసిందే. 133 పరుగుల స్వల్ప లక్ష్యంతో బరిలోకి దిగిన టీమిండియా 17.3 ఓవర్లలో మూడు వికెట్లు కోల్పోయి 135 పరుగులు చేసింది.

చాహల్‌ను అనకూడని మాటన్న గప్తిల్‌.. నవ్వు ఆపుకోలేకపోయిన రోహిత్!!

జడేజా అద్భుత ప్రదర్శన చేశాడు:

జడేజా అద్భుత ప్రదర్శన చేశాడు:

మ్యాచ్ అనంతరం విరాట్ కోహ్లీ మాట్లాడుతూ టీమిండియా బౌలర్లపై ప్రశంసలు కురిపించాడు. 'కివీస్‌ను స్వల్ప స్కోరుకే పరిమితం చేయడంలో బౌలర్లు కీలక పాత్ర పోషించారు. మంచి లైన్‌ అండ్‌ లెంగ్త్‌తో బౌలింగ్‌ చేశారు. ఒకవైపు పరుగులు కట్టడి చేస్తూనే.. మరోవైపు వికెట్లు తీశారు. బలమైన న్యూజిలాండ్‌ను స్వల్ప స్కోరుకు కట్టడి చేశాం అంటే.. ఆ ఘనత బౌలర్లదే. రవీంద్ర జడేజా అద్భుత ప్రదర్శన చేశాడు. యుజువేంద్ర చాహల్‌, జస్ప్రీత్ బుమ్రా సైతం ఆకట్టుకున్నారు. ఫీల్డింగ్‌లోనూ అత్యుత్తమ ప్రదర్శన చేశాం' అని పేర్కొన్నాడు.

సమిష్టి విజయం:

సమిష్టి విజయం:

'తొలి ఇన్నింగ్స్‌లో ఈ పిచ్‌పై 160 పరుగులు చేయొచ్చు. మైదానంలోని పరిస్థితులు అర్ధం చేసుకొని పిచ్‌ ఎలా స్పందిస్తుంది, కివీస్‌ బ్యాట్స్‌మెన్‌ ఎలా ఆడుతున్నారనే విషయాలు తెలుసుకోగలిగాం. బ్యాటింగ్ విభాగంలో రాణించాం. లోకేష్ రాహుల్ మరో మంచి ఇన్నింగ్స్ ఆడాడు. శ్రేయాస్ అయ్యర్ తన దూకుడును ఈ మ్యాచ్‌లోనూ కొనసాగించాడు. అయితే ఛేదనలో కొన్ని తప్పులు జరిగాయి. వాటిపై చర్చించుకుంటాం. ఇది సమిష్టి విజయం' అని కోహ్లీ తెలిపాడు.

ఇంకో మ్యాచ్‌ గెలవాల్సి ఉంది:

ఇంకో మ్యాచ్‌ గెలవాల్సి ఉంది:

'రెండో టీ20లో జట్టుగా అన్ని విభాగాల్లో అత్యుత్తమ ప్రదర్శన చేశాం. అందుకే రెండు వరుస మ్యాచ్‌లు గెలుపొందాం. కీలక సమయంలో ఆతిధ్య న్యూజిలాండ్‌ పుంజుకుంటుందని తెలుసు. సిరీస్ గెలవాలంటే.. ఇంకో మ్యాచ్‌ గెలవాల్సి ఉంది. అందుకు సిద్ధంగా ఉన్నాం. ఆక్లాండ్‌ మైదాన పరిస్థితుల కన్నా.. హామిల్టన్‌ వేదిక బాగుంటుందని అనుకుంటున్నా' అని కోహ్లీ చెప్పుకొచ్చాడు.

29న మూడో మ్యాచ్‌:

29న మూడో మ్యాచ్‌:

రెండో టీ20లో భారత్‌ ఏడు వికెట్ల తేడాతో ఘన విజయం సాధించిన సంగతి తెలిసిందే. తొలుత బ్యాటింగ్‌ చేసిన కివీస్ 132 పరుగులకే పరిమితమైంది. మార్టిన్ గుప్తిల్ (33), కొలిన్ మన్రో (26), సీఫెర్ట్ (33 నాటౌట్) రాణించారు. భారత బౌలర్లలో జడేజా రెండు వికెట్లు సాధించాడు. అనంతరం టీమిండియా మూడు వికెట్లు కోల్పోయి 17.3 ఓవర్లలోనే లక్ష్యాన్ని చేరుకుంది. రాహుల్‌ (57), అయ్యర్‌ (44) మ్యాచ్‌ విజయంలో కీలక పాత్ర పోషించారు. ఈ విజయంతో ఐదు టీ20ల సిరీస్‌లో భారత్‌ 2-0తో ఆధిక్యం సాధించింది. మూడో మ్యాచ్‌ ఈ నెల 29న జరగనుంది.

For Quick Alerts
ALLOW NOTIFICATIONS
For Daily Alerts
Story first published: Monday, January 27, 2020, 11:01 [IST]
Other articles published on Jan 27, 2020
POLLS
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more