No.4లో ధోని ఎందుకు ఆడాలంటే!: వెల్లడించిన సురేశ్ రైనా

ఆసీస్ పర్యటనలో రాణించిన ధోని

"ధోని గత రెండు వన్డేల్లోనూ అద్భుతంగా బ్యాటింగ్ చేశాడు. టెయిలెండర్లని సమన్వయం చేసుకుంటూ మ్యాచ్‌ను ముగించగల సామర్థ్యం అతడిలో ఉంది. విరాట్ కోహ్లీ నుంచి కూడా ధోనీకి మద్దతు లభిస్తుండటంతో.. స్వేచ్ఛగా బ్యాట్ ఝళిపించగలుగుతున్నాడు. ఏ ఆటగాడికైనా.. కెప్టెన్ నుంచి మద్దతు లభిస్తే చాలు" అని రైనా అన్నాడు.

ధోని ఏ స్థానంలోనైనా బ్యాటింగ్ చేయగలడు

"వన్డేల్లో ధోని ఏ స్థానంలోనైనా బ్యాటింగ్ చేయగలడు. కానీ వరల్డ్‌కప్ లాంటి టోర్నీల్లో నాలుగో స్థానం ధోని ఆటకు సరిగ్గా సరిపోతుంది" అని సురేశ్ రైనా వెల్లడించాడు. నిజానికి గత ఆరు నెలలుగా నాలుగో స్థానంలో అంబటి రాయుడు అద్బుత ప్రదర్శన చేస్తున్నాడు. అయితే, ఆసీస్ పర్యటనలో ధోని రాణించడంతో ఓపెనర్ రోహిత్ శర్మ కూడా అతడిని 4వ స్థానంలో ఆడించాలని కోరిన సంగతి తెలిసిందే.

శనివారం రెండో వన్డే

ప్రస్తుతం కోహ్లీసేన న్యూజిలాండ్ పర్యటనలో ఉంది. ఈ పర్యటనలో భాగంగా టీమిండియా ఐదు వన్డేలు, మూడు టీ20ల సిరిస్ ఆడుతోంది. నేపియర్ వేదికగా బుధవారం జరిగిన తొలి వన్డేలో టీమిండియా ఆతిథ్య జట్టుపై 8 వికెట్ల తేడాతో విజయం సాధించిన సంగతి తెలిసిందే. రెండో వన్డే జనవరి 26(శనివారం)నాడు ప్రారంభం కానుంది.