ఒంటి చేత్తో మ్యాచ్‌ను శాసించాడు: కోహ్లీపై ట్విట్టర్‌లో ఎవరేమన్నారు?

సచిన్ టెండూల్కర్

"అత్యంత కీలకమైన సమయంలో నీ పోరాటం అమోఘం.. ఈ అద్భుత సెంచరీ సాధించిన నీకు అభినందనలు. ఈ టెస్ట్‌ సిరీస్‌ను గొప్పగా ఆరంభించారు" అని సచిన్ టెండూల్కర్ ట్విట్టర్‌లో ట్వీట్ చేశాడు.

వీరేంద్ర సెహ్వాగ్‌

"కోహ్లీ నుంచి అద్భుత సెంచరీ. 2014లో అతని 10 ఇన్నింగ్స్‌లో సాధించిన పరుగులను ఈ సిరీస్‌లో ఒకే ఇన్నింగ్స్‌లో సాధించాడు. షమీ, ఇషాంత్‌, యాదవ్‌లతో 99 పరుగులు జతవ్వగా.. వారి స్కోర్‌ 8 పరుగులే కాగా.. మిగతావన్నీ కోహ్లియే సాధించడం అద్భుతం" అని టీమిండియా మాజీ డాషింగ్ ఓపెనర్ వీరేంద్ర సెహ్వాగ్‌ ట్వీట్ చేశాడు.

మహ్మద్ కైఫ్

"వాట్‌ ఏ ప్లేయర్‌.. ఒంటి చేత్తో మ్యాచ్‌ను శాసించాడు. కోహ్లి కెరీర్‌లోనే ఇది ఓ గొప్ప సెంచరీ. ఇదో గొప్ప ఇన్నింగ్స్‌" అని టీమిండియా మాజీ క్రికెటర్ మహ్మద్ కైఫ్ ట్వీట్ చేశాడు.

ఓ అభిమాని

"నా కల నిజమైంది. ఎన్నో రోజులుగా ఎదురు చూస్తున్న ఆ సందర్భం నన్ను కనువిందు చేసింది. కోహ్లి సెంచరీ సాధించగా.. మ్యాచ్‌కు హాజరైన అనుష్క శర్మ స్టాండ్స్‌లో నుంచి నిలబడి చప్పట్లు కొడుతూ అభినందిస్తుంటే.. కోహ్లి తమ వెడ్డింగ్‌ రింగ్‌ చూపిస్తూ ఫ్లయింగ్‌ కిస్‌ ఇవ్వడం ఎడ్జ్‌బాస్టన్‌లో జరిగిపోయింది" అని ఓ అభిమాని ట్వీట్ చేశాడు.