కేఎల్ రాహుల్
గత కొన్నాళ్లుగా పేలవ ప్రదర్శన కనబరుస్తున్నాడు. ఇప్పటికే పరిమిత ఓవర్ల క్రికెట్లో కేఎల్ రాహుల్కు చోటు కష్టంగా మారింది. ఇంగ్లాండ్ పర్యటనలో భాగంగా జరిగిన చివరి టెస్టులో సెంచరీ సాధించిన కేఎల్ రాహుల్ ఆ తర్వాత ఆడిన టెస్టుల్లో కనీసం హాఫ్ సెంచరీ కూడా చేయలేకపోయాడు. భారత్ తరుపున ఇప్పటివరకు 31 టెస్టులాడిన రాహుల్ యావరేజి కనీసం 40కూడా లేకపోవడం విశేషం. ఆస్ట్రేలియా ఎలెవన్తో జరిగిన వార్మప్ మ్యాచ్లో సైతం కేఎల్ రాహుల్ విఫలం కావడంతో అతడిపై సర్వత్రా విమర్శలు వస్తున్నాయి. మరోవైపు యువ ఓపెనర్ పృథ్వీషా రాణించడం తుది జట్టులో రాహుల్ స్థానానికి ఎసరు పెడుతోంది. దీంతో కేఎల్ రాహుల్కు ఈ సిరిస్ ఎంతో ప్రతిష్టాత్మకంగా మారింది.
పృథ్వీ షా
అందరి కళ్లు యువ క్రికెటర్ పృథ్వీ షాపైనే ఉన్నాయి. ఇటీవలే వెస్టిండిస్తో ముగిసిన టెస్టు సిరిస్లో అద్భుత ప్రదర్శన చేసిన పృథ్వీ షాను సెలక్టర్లు ఆస్ట్రేలియా పర్యటనకు ఎంపిక చేశారు. 19 ఏళ్ల పృథ్వీ షా ఓపెనర్గా తనదైన శైలిలో దూసుకుపోతున్నాడు. ఆస్ట్రేలియా ఎలెవన్ జట్టుతో జరిగిన వార్మప్ మ్యాచ్లో సైతం హాఫ్ సెంచరీతో చెలరేగాడు. ఈ మ్యాచ్లో ఓపెనర్ పృథ్వీ షా (66: 69 బంతుల్లో 11 ఫోర్లు), కెప్టెన్ విరాట్ కోహ్లి (64: 87 బంతుల్లో 7 ఫోర్లు, ఒక సిక్స్), పుజారా (54: 89 బంతుల్లో 6 ఫోర్లు) రహానే (56 రిటైర్డ్ ఔట్), హనుమ విహారి (53) హాఫ్ సెంచరీలతో మెరవడంతో భారత్ 92 ఓవర్లలో 358 పరుగులు చేసి ఆలౌటంది.
రోహిత్ శర్మ
పరమితి ఓవర్ల క్రికెట్లో రోహిత్ శర్మ ఓ లెజెండ్. అయితే, సుదీర్ఘ ఫార్మాట్లో మాత్రం జట్టులో చోటు దక్కించుకోలేకపోతున్నాడు. వన్డేలు, టీ20ల్లో రోహిత్ శర్మ రాణిస్తున్నప్పటికీ, టెస్టు క్రికెట్లో మాత్రం ఆశించిన స్థాయిలో రాణించలేకపోతున్నాడు. అయితే, ఇటీవలే వెస్టిండిస్తో ముగిసిన పరిమిత ఓవర్ల క్రికెట్లో అద్భుత ప్రదర్శన చేయడంతో సెలక్టర్లు ఆస్ట్రేలియాతో టెస్టు సిరిస్కు ఎంపిక చేశారు. ఆసీస్ పిచ్లు రోహిత్ శర్మ బ్యాటింగ్కు అనుకూలంగా ఉండటంతో ఈ పర్యటనలో తప్పక రాణిస్తాడని రోహిత్ శర్మను సెలక్టర్లు ఎంపిక చేయడం జరిగింది. దీంతో ఈ సిరిస్ రోహిత్ శర్మకు ప్రతిష్టాత్మకంగా మారింది.
ఆరోన్ ఫించ్
టీ20 స్పెషలిస్ట్గా పేరుగాంచిన ఆరోన్ ఫించ్ ఈ మధ్య కాలంలో ఆస్ట్రేలియా టెస్టు జట్టులో చోటు దక్కించుకున్నాడు. ఆస్ట్రేలియా స్టార్ క్రికెటర్లు స్టీవ్ స్మిత్, డేవిడ్ వార్నర్లు లేకపోవడంతో ఆరోన్ ఫించ్కు టెస్టు జట్టులో చోటు దక్కిందనేది క్రికెట్ విశ్లేషకుల అభిప్రాయం. టెస్టుల్లో ఆరోన్ ఫించ్ తనను తాను నిరూపించుకోవడానికి సొంతగడ్డపై ఇంతకంటే మంచి అవకాశం ఉండదు. ఈ సిరిస్లో గనుక ఆరోన్ ఫించే చెలరేగితో టెస్టుల్లో అతడి స్థానానికి ఎలాంటి ఢోకా ఉండదు.
ఉస్మాన్ ఖవాజా
ఆస్ట్రేలియా జట్టులో బద్దకం ఉన్న ఆటగాడు ఎవరైనా ఉన్నారంటే అది ఉస్మాన్ ఖవాజానే. ఇటీవలే పాకిస్థాన్తో ముగిసిన రెండు టెస్టు మ్యాచ్ల సిరిస్లో అద్భుత ప్రదర్శన చేశాడు. సొంతగడ్డపై భారత్తో జరుగుతున్న నాలుగు టెస్టు మ్యాచ్ల సిరిస్ ఉస్మాన్ ఖవాజాకు కూడా ప్రతిష్టాత్మకం కానుంది. ఈ సిరిస్లో గనుక ఉస్మాన్ ఖవాజా రాణిస్తే వచ్చే ఏడాది ఇంగ్లాండ్ వేదికగా జరిగే వరల్డ్ కప్లో అతడికి చోటు దక్కడం ఖాయం.