ఇండియా vs ఆస్ట్రేలియా: అడిలైడ్ టెస్టులో నమోదైన రికార్డులివే

గత పదేళ్ల కాలంలో భారత్ నిర్దేశించిన

0 - అడిలైడ్‌లో గత 100 ఏళ్లలో ఏ ఆస్ట్రేలియా జట్టు కూడా 200పై చిలుకు లక్ష్యాన్ని విజయవంతంగా ఛేదించలేకపోయింది. గత పదేళ్ల కాలంలో భారత్ నిర్దేశించిన 200పైగా లక్ష్యాన్ని ఏ జట్టు అందుకోలేకపోయింది. చివరిసారి 2006-07లో కేప్‌టౌన్‌లో భారత్‌పై దక్షిణాఫ్రికా లక్ష్యాన్ని ఛేదించడం విశేషం.

1 - ఆస్ట్రేలియా పర్యటనలో తొలి టెస్ట్ గెలువడం భారత్‌కు ఇదే మొదటిసారి. గత 11 పర్యాయాలు రెండు సార్లు డ్రా, 9 సార్లు ఓటములు ఎదుర్కొంది. ఆస్ట్రేలియా పర్యటనకు భిన్నంగా ఇంగ్లాండ్‌లో(1986), దక్షిణాఫ్రికాలో(2006) ఒకసారి, న్యూజిలాండ్‌లో మూడుసార్లు, వెస్టిండీస్‌లో రెండుసార్లు తొలి టెస్ట్‌లో టీమిండియా విజయం సాధించింది.

విదేశాల్లో మూడు టెస్ట్‌ల్లో గెలువడం ఇదే మొదటిసారి

1 - ఒక క్యాలెండర్ సంవత్సరంలో విదేశాల్లో మూడు టెస్ట్‌ల్లో గెలువడం 1968 తర్వాత భారత్‌కు ఇదే తొలిసారి. న్యూజిలాండ్‌పై మూడు టెస్ట్‌ల సిరీస్‌ను టీమిండియా క్లీన్‌స్వీప్ చేసింది.

3 - తక్కువ పరుగుల తేడాతో టెస్ట్‌ల్లో గెలువడం భారత్‌కు ఇది మూడో సారి. అంతకముందు(2004-5)లో ఆస్ట్రేలియాపై 13 పరుగులు, 1972-73లో ఇంగ్లాండ్‌పై 28 పరుగుల తేడాతో భారత్ విజయం సాధించింది.

50 పరుగుల లోపే నాలుగు వికెట్లు

3 - మొదటి బ్యాటింగ్ చేసి 50 పరుగుల లోపే తొలి నాలుగు వికెట్లు కోల్పోయి గెలువడం భారత్‌కు ఇది మూడోసారి. గతం(1974-75)లో వెస్టిండీస్‌పై, ఆస్ట్రేలియాపై(2004-05) విజయం సాధించింది.

6 - ఆస్ట్రేలియాలో భారత్ గెలిచిన టెస్ట్‌లు. గత 35 ఏళ్లలో ఇది రెండో విజయం కావడం విశేషం. అడిలైడ్(2003), పెర్త్(2008)లో విజయం సాధించిన టీమిండియా 1977-78, 1980-81 వరుస పర్యటనల్లో ఆస్ట్రేలియాపై విజయం సాధించింది.

అడిలైడ్ టెస్టులో ప్రపంచ రికార్డు

35 - అడిలైడ్‌లో భారత్, ఆస్ట్రేలియా తొలి టెస్ట్‌లో నమోదైన క్యాచ్‌ల సంఖ్య. టెస్ట్‌ల్లో ఇది ప్రపంచ రికార్డుగా నమోదైంది. ఇరు జట్ల రెండు ఇన్నింగ్స్‌లో వికెట్లన్నీ క్యాచ్ ఔట్లే కావడం విశేషం. ఈ ఏడాది మొదట్లో కేప్‌టౌన్ టెస్ట్‌లో ఆస్ట్రేలియా, దక్షిణాఫ్రికా 34 క్యాచ్‌లు నమోదయ్యాయి.