India vs Australia: టీమిండియాకు భారీ షాక్.. టెస్టు సిరీస్‌కు రోహిత్ దూరం!!

IND vs AUS 2020 : Rohit Sharma, Ishant Sharma Likely To Miss Australia Test Series

ముంబై: నవంబర్‌ 27 నుంచి ప్రారంభం కానున్న ఆస్ట్రేలియా సుదీర్ఘ పర్యటనలో భారత్ మూడు వన్డేలు, మూడు టీ20లు, నాలుగు టెస్టులు ఆడనుంది. వన్డే, టీ20 అనంతరం అడిలైడ్‌లో మొదటి టెస్ట్ డిసెంబర్ 17న ప్రారంభమవుతుంది. అయితే ఆస్ట్రేలియాతో టెస్టు సిరీస్‌కు ముందు కోహ్లీసేనకు భారీ షాక్ తగిలేలా ఉంది. స్టార్ ఓపెనర్ రోహిత్ శర్మ, సీనియర్ పేసర్ ఇషాంత్ శర్మ టెస్టు సిరీస్ ఆడటం అనుమానంగా మారింది. రోహిత్, ఇషాంత్ టెస్టు సిరీస్‌కు దూరమవడం.. తొలి టెస్టు అనంతరం కెప్టెన్ విరాట్ కోహ్లీ పితృత్వ సెలవులపై స్వదేశానికి తిరిగి వెళ్లనుండటం టీమిండియాను ఇప్పుడు కలవరపెడుతోంది.

ఎన్‌‌సీఏలో అధికారుల సమావేశం

ఎన్‌‌సీఏలో అధికారుల సమావేశం

ప్రస్తుతం రోహిత్ శర్మ, ఇషాంత్ శర్మ బెంగళూరులోని నేషనల్ క్రికెట్ అకాడమీ (ఎన్‌సీఏ)లో రాహుల్ ద్రవిడ్ సమక్షంలో శిక్షణ పొందుతున్నారు. ఇద్దరూ ఫిట్‌నెస్ ట్రైనింగ్ పొందుతున్నారు. ముందుగా టెస్ట్ సిరీస్ కోసం వీరిద్దర్నీ బీసీసీఐ సెలక్టర్లు ఎంపిక చేయలేదు. ఆ తర్వాత ఫిట్‌నెస్ సాధిస్తే జట్టులోకి తీసుకుంటాం అని చెప్పింది. ఎన్‌సీఏలో శిక్షణ పొందుతున్న వీరి ఫిట్‌నెస్‌ను నిశితంగా గమనిస్తామని బీసీసీఐ ప్రకటించింది. రోహిత్, ఇషాంత్ ఫిట్‌నెస్ విషయమై ఎన్‌‌సీఏలో అధికారులు ఇటీవలే సమావేశమై చర్చించారు. ఈ ఇద్దరి రిపోర్టులు ఆశాజనకంగా లేవని తెలుస్తోంది.

అనధికారికంగా సమాచారం

అనధికారికంగా సమాచారం

రోహిత్ శర్మ, ఇషాంత్ శర్మ ఆస్ట్రేలియాతో జరిగే టెస్టు సిరీస్‌లో బరిలో దిగే అవకాశాలు లేవని టీమ్ మేనేజ్‌మెంట్, సెలక్టర్లు, బోర్డుకు ఎన్‌సీఏ నిపుణులు అనధికారికంగా సమాచారం అందించారని తెలుస్తోంది. త్వరలోనే ఈ విషయమై అధికారిక ప్రకటన వెలువడే అవకాశం కూడా ఉందట. ఇదే నిజమయితే టీమిండియాకు భారీ షాక్ తగలనుంది. ఓపెనర్‌గా రోహిత్ అద్భుతంగా రాణిస్తున్న విషయం తెలిసిందే. మరోవైపు ఇషాంత్ కూడా టీమిండియాకు ప్రధాన పేస్ బలం. మరి ఈ ఇద్దరూ ఆసీస్ వెళతారో లేదో చూడాలి.

3-4 రోజుల్లో బయలుదేరాలి

3-4 రోజుల్లో బయలుదేరాలి

రోహిత్, ఇషాంత్ ఫిట్‌నెస్ విషయమై టీమిండియా హెడ్ కోచ్ రవిశాస్త్రి ఆదివారం మాట్లాడుతూ.. ఈ ఇద్దరు క్రికెటర్లు టెస్టు సిరీస్ ఆడాలంటే 3-4 రోజుల్లో ఆస్ట్రేలియా బయల్దేరి రావాల్సి ఉంటుందన్నాడు. 'రోహిత్ వైట్ బాల్‌ సిరీస్‌లకు లేడు. అతడు ఎంతసేపు విశ్రాంతి తీసుకోవాలనే విషయంపై ఎన్‌సీఏ మెడికల్ టీం ఆలోచిస్తున్నారు. కానీ అతడికి ఎక్కువ కాలం విశ్రాంతి కూడా ఇవ్వలేం.

టెస్టు సిరీస్‌కు ఆడాలనుకుంటే.. రోహిత్ 3-4 రోజుల్లో బయలుదేరాలి. లేనిపక్షంలో అవకాశాలు కఠినంగా మారుతాయి. అయితే ఆసీస్‌కు బయలుదేరడానికి ఎక్కువ సమయం తీసుకుంటే క్వారంటైన్ నిబంధనలతో తర్వాత సవాలుగా మారుతుంది. అప్పుడు టెస్టు సిరీస్‌కు ఆడే అవకాశాలు సంక్లిష్టం అవుతాయి' అని రవిశాస్త్రి తెలిపాడు.

14 రోజుల పాటు క్వారంటైన్‌

14 రోజుల పాటు క్వారంటైన్‌

రోహిత్ శర్మ, ఇషాంత్ శర్మలు ఎప్పుడు ఆస్ట్రేలియా బయల్దేరి వెళ్తారనేది ఇప్పటి వరకూ భారత క్రికెట్ కంట్రోల్ బోర్డు (బీసీసీఐ) ప్రకటించలేదు. వెళతారో లేదో కూడా తెలియదు. కరోనా మహమ్మారి నేపథ్యంలో ఆటగాళ్లు 14 రోజుల పాటు క్వారంటైన్‌లో ఉండాల్సి ఉంటుంది. దీంతో వారిద్దరూ సోమవారమే ఆసీస్ బయల్దేరకపోతే.. ఆస్ట్రేలియా-ఏ జట్టుతో జరిగే తొలి వార్మప్ మ్యాచ్‌కు దూరం అవుతారు.

అదో విలాసవంతమైన జైలు జీవితం: రబాడ

For Quick Alerts
ALLOW NOTIFICATIONS
For Daily Alerts
 
Story first published: Tuesday, November 24, 2020, 9:23 [IST]
Other articles published on Nov 24, 2020
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X