బాక్సింగ్ డే టెస్టు సెంచరీతో పుజారా నెలకొల్పిన రికార్డులివే

ఈ ఏడాది టెస్టుల్లో అత్యధిక పరుగులు చేసిన నాలుగో బ్యాట్స్‌మెన్

మెల్ బోర్న్ టెస్టులో పుజారా సెంచరీ సాధించడంతో ఈ ఏడాది టెస్టుల్లో అత్యధిక పరుగులు సాధించిన ఆటగాళ్ల జాబితాలో పుజారా నాలుగో స్థానంలో నిలిచాడు. 837 పరుగులతో కెప్టెన్ విరాట్ కోహ్లీ, కుశాల్ మెండిస్, జో రూట్ ల తర్వాత పుజారా నాలుగో స్థానంలో కొనసాగుతున్నాడు. టెస్టుల్లో పుజారాకు ఇది మూడో సెంచరీ. ఈ సిరిస్‌లో రెండోది. అడిలైడ్ వేదికగా జరిగిన తొలి టెస్టులో పుజారా 123 పరుగులు చేసిన సంగతి తెలిసిందే.

గంగూలీ రికార్డుని అధిగమించి ఎలైజా జాబితాలోకి పుజారా

టెస్టుల్లో పుజారా మరో 16 పరుగులు చేస్తే మాజీ క్రికెట్ దిగ్గజం కపిల్ దేవ్ రికార్డుని బద్దలు కొడతాడు. భారత్ తరుపున టెస్టుల్లో అత్యధిక పరుగులు చేసిన 11వ ఆటగాడిగా అరుదైన గుర్తింపు పొందుతాడు. టెస్టుల్లో పుజారా ఇప్పటివరకు 5,233 పరుగులు చేశాడు. టెస్టుల్లో అత్యధిక సెంచరీలు సాధించిన ఆటగాళ్ల జాబితాలో సౌరవ్ గంగూలీ(16) రికార్డుని పుజారా తాజా సెంచరీతో అధిగమించాడు. అంతేకాదు మాజీ క్రికెట్ దిగ్గజాలు దిలిప్ వెంగ్ సర్కార్, వీవీఎస్ లక్ష్మణ్‌ల 17 సెంచరీల రికార్డుని సమం చేశాడు. భారత్ తరుపున టెస్టుల్లో అత్యధిక సెంచరీలు సాధించిన ఆటగాళ్ల జాబితాలో నాలుగో స్థానంలో కొనసాగుతున్నాడు.

ఆస్ట్రేలియాపై నాలుగో సెంచరీ

మెల్‌బోర్న్‌ టెస్టులో పుజారా 319 బంతుల్లో 10 ఫోర్ల సాయంతో 106 పరుగులతో సెంచరీ సాధించాడు. టెస్టుల్లో పుజారాకు ఇది 17వ సెంచరీ కావడం విశేషం. కాగా, ఈ సిరీస్‌లో రెండోది. ఈ ఏడాది పుజారాకు ఇది మూడో సెంచరీ కాగా, ఆస్ట్రేలియా జట్టుపై నాలుగో సెంచరీ కావడం విశేషం. ఈ సిరిస్‌లో 328 పరుగులతో అత్యధిక పరుగులు చేసిన ఆటగాడిగా పుజారా కొనసాగుతున్నాడు.