మొహాలీలో 4th ODI: నాలుగు మార్పులతో బరిలోకి టీమిండియా

By Nageshwara Rao M

Updated: Sunday, March 10, 2019, 13:40 [IST]

హైదారాబాద్: ఐదు వన్డేల సిరిస్‌‌లో భాగంగా భారత్-ఆస్ట్రేలియా జట్ల మధ్య నాలుగో వన్డే ప్రారంభమైంది. మొహాలి వేదికగా ఆదివారం జరుగుతున్న ఈ మ్యాచ్‌లో టాస్ గెలిచిన భారత్ కెప్టెన్ విరాట్ కోహ్లీ బ్యాటింగ్ ఎంచుకున్నాడు. ఐదు వన్డేల ఈ సిరీస్‌లో ఇప్పటికే మూడు వన్డేలు ముగియగా భారత్ 2-1తో ఆధిక్యంలో కొనసాగుతోంది.

రాంచీ వేదికగా గత శుక్రవారం ముగిసిన మూడో వన్డేలో విజయం సాధించిన ఆస్ట్రేలియా ఈ మ్యాచ్‌లో కూడా గెలిచి సిరీస్‌ను 2-2తో సమం చేయాలని ఉవ్విళ్లూరుతోంది.

2-1తో ఆధిక్యంలో టీమిండియా

ఐదు వన్డేల ఈ సిరీస్‌లో ఇప్పటికే మూడు వన్డేలు ముగియగా భారత్ 2-1తో ఆధిక్యంలో కొనసాగుతోంది. రాంచీ వేదికగా గత శుక్రవారం ముగిసిన మూడో వన్డేలో విజయం సాధించిన ఆస్ట్రేలియా ఈ మ్యాచ్‌లో కూడా గెలిచి సిరీస్‌ను 2-2తో సమం చేయాలని ఉవ్విళ్లూరుతోంది. మరోవైపు రాంచీ వన్డేలో కోహ్లీ సెంచరీ బాదినా.. విజయాన్ని అందుకోలేకపోయింది.

3-1తో సిరీస్‌ చేజిక్కించుకోవాలని

దీంతో ఈ మ్యాచ్‌లో విజయం సాధించి భారత క్రికెట్ జట్టు మరో మ్యాచ్‌ మిగిలి ఉండగానే 3-1తో సిరీస్‌ చేజిక్కించుకోవాలని ఆశిస్తోంది. హైదరాబాద్ వేదికగా జరిగిన తొలి వన్డేలో 6 వికెట్ల తేడాతో గెలుపొందిన భారత్.. మంగళవారం నాగ్‌పూర్‌లో జరిగిన రెండో వన్డేలో 8 పరుగుల తేడాతో విజయం సాధించింది. రాంచీలో జరిగిన మూడో వన్డేలో మాత్రం కోహ్లీ సెంచరీ సాధించినా.. 32 పరుగుల తేడాతో పరాజయాన్ని చవిచూసింది.