రెండో బంతికే సిక్స్ బాదినా కేఎల్ రాహుల్
ఈ మ్యాచ్లో తాను ఎదుర్కొన్న రెండో బంతికే సిక్స్ బాదినా కేఎల్ రాహుల్ ఆ తర్వాత 18 బంతుల్లోనూ 8 పరుగులు మాత్రమే చేశాడు. రాహుల్ విఫలమైన కోహ్లీ (61 నాటౌట్), ధావన్ (41) దూకుడుగా ఆడటంతో 165 పరుగుల లక్ష్యాన్ని భారత్ మరో రెండు బంతులు మిగిలి ఉండగానే ఛేదించింది.
తొలి టీ20లో కూడా కేఎల్ రాహుల్ విఫలం
మూడు టీ20ల సిరిస్లో భాగంగా ఆస్ట్రేలియాతో బ్రిస్బేన్ వేదికగా జరిగిన తొలి టీ20లో కూడా కేఎల్ రాహుల్ విఫలమయ్యాడు. 12 బంతుల్లో 13 పరుగులు చేసి స్టంపౌటయ్యాడు. దీంతో ఈ మ్యాచ్లో టీమిండియా నాలుగు పరుగుల తేడాతో ఓటమిపాలైంది. ఇక మెల్ బోర్న్ వేదికగా జరిగిన రెండో టీ20 వర్షం కారణంగా రద్దైంది.
ఇంగ్లాండ్ పర్యటనలో అతను సాధించిన
దీంతో మూడు టీ20లోనైనా రాణిస్తాడని భావిస్తే, ఇందులో కూడా రాహుల్ ఫెయిలయ్యాడు. ఇంగ్లాండ్ పర్యటనలో అతను సాధించిన అద్భుత సెంచరీ మినహా చెప్పుకోదగ్గ ఒక్క ఇన్నింగ్స్ లేదు. అయినా టీమిండియా మేనేజ్మెంట్ రాహుల్పై నమ్మకం ఉంచి అవకాశం కల్పించగా.. అతను సద్వినియోగం చేసుకోలేకపోతున్నాడు.
రాహుల్ తమ ఓపికను పరీక్షిస్తున్నాడని నెటిజన్ల జోకులు
దీంతో ఇంకెన్నీ అవకాశాలిస్తారని, రాహుల్ తమ ఓపికను పరీక్షిస్తున్నాడని నెటిజన్లు ట్విట్టర్లో జోకులు వేస్తున్నారు. రాహుల్ మంచి బ్యాట్స్మనే కానీ అతను నెట్స్లో మాత్రమే ఆడుతాడని ట్రోల్ చేస్తున్నారు. ఇప్పటికే వన్డే జట్టులో సుస్థిర స్థానం దక్కకపోవడంతో ఒత్తిడిలో ఉన్న కేఎల్ రాహుల్ తాజాగా టీ20ల్లోనూ విఫలమవడంతో.. అతని కెరీర్ ప్రశ్నార్థకంగా మారనుంది.