|
ఫించ్ చివరగా ఆడిన 11 ఇన్నింగ్స్ల్లో
ఆరోన్ ఫించ్ చివరగా ఆడిన 11 ఇన్నింగ్స్ల్లో అతడి అత్యధిక స్కోరు 47 కాగా.. ఏకంగా ఏడు సార్లు 7 పరుగులలోపే పెవిలియన్ చేరడం విశేషం. జింబాబ్వేతో గతేడాది జూలైలో జరిగిన టీ20లో కేవలం 76 బంతుల్లోనే 172 పరుగులు చేశాడు. దీంతో భారత్పై సుదీర్ఘ సిరీస్లో అతను చెలరేగిపోతాడని అంతా భావించారు.
అతడిపై పెట్టుకున్న అంచనాలు తలకిందులు
అయితే, అతడిపై పెట్టుకున్న అంచనాలు తలకిందులయ్యాయి. ఆ సెంచరీ తర్వాత ఇప్పటి వరకూ అన్ని ఫార్మాట్లలో కలిపి 26 ఇన్నింగ్స్లు ఆడిన ఆరోన్ ఫించ్ కేవలం రెండు హాఫ్ సెంచరీలు మాత్రమే సాధించాడు. భారత్పై తాజా సిరీస్లో చివరిగా ఆడిన 12 ఇన్నింగ్స్ల్లో అతని అత్యధిక స్కోరు 47 కాగా.. ఏకంగా ఎనిమిదిసార్లు 7 పరుగులలోపే ఫించ్ పెవిలియన్ చేరాడు.
మూడు వన్డేల సిరిస్లో
ప్రస్తుతం జరుగుతున్న మూడు వన్డేల సిరిస్లో సిడ్నీ వేదికగా జరిగిన తొలి వన్డేలో 11 బంతులు ఎదుర్కొన్న అరోన్ ఫించ్ 6 పరుగుల వ్యక్తిగత స్కోరు వద్దే భువీ బౌలింగ్లో బౌల్డయ్యాడు. ఆ తర్వాత అడిలైడ్లో జరిగిన రెండో వన్డేలోనూ 19 బంతులు ఎదుర్కొని మళ్లీ 6 పరుగుల వద్దే భువీ బౌలింగ్లో బంతిని వికెట్లపైకి ఆడుకుని ఔటయ్యాడు.