హైదరాబాద్ వన్డే: కుల్దీప్ స్లో డెలివరీ.. ధోని సూపర్ స్టంపింగ్ (వీడియో)

హైదరాబాద్: ఉప్పల్ స్టేడియంలో ఆస్ట్రేలియాతో జరుగుతున్న తొలి వన్డేలో టీమిండియా మాజీ కెప్టెన్ మహేంద్ర సింగ్ ధోని మరోసారి తన వికెట్ కీపింగ్ విన్యాసాలను ప్రదర్శించాడు. టాస్ గెలిచి తొలుత బ్యాటింగ్కు దిగిన ఆస్ట్రేలియాకు బుమ్రా తొలి తొలి ఓవర్లోనే షాకిచ్చాడు. ఆ జట్టు కెప్టెన్ ఆరోన్ ఫించ్ను డకౌట్గా పెవిలియన్కు చేర్చాడు.
ఆ తర్వాత క్రీజులోకి వచ్చిన మార్కస్ స్టోయినిస్తో కలిసి ఉస్మాన్ ఖావాజా ఆచితూచి ఆడుతూ స్కోరు పెంచే ప్రయత్నం చేశారు. ఈ క్రమంలో ఖవాజ 76 బంతుల్లో 5 ఫోర్లు, సిక్సర్తో 50 సెంచరీ పూర్తి చేసుకున్నాడు. వీరిద్దరూ రెండో వికెట్కు 87 పరుగులు జోడించారు. సెంచరీ భాగస్వామ్యం దిశగా సాగుతున్న ఈ జోడిని కేదార్ జాదవ్ విడదీశాడు.

కోహ్లీ సూపర్ క్యాచ్
స్టోయినిస్(37) పరుగుల వ్యక్తిగత స్కోరు వద్ద ఇచ్చిన క్యాచ్ను కోహ్లీ అద్భుతంగా అందుకున్నాడు. ఆ తర్వాత కొద్దిసేపటికే ఖవాజా(50)ను కుల్దీప్ పెవిలియన్కు చేర్చాడు. హాఫ్ సెంచరీ పూర్తి చేసుకున్న తర్వాత దూకుడుగా ఆడే క్రమంలో ఖవాజా భారీ షాట్ ఆడే ప్రయత్నంలో విజయ్ శంకర్కు క్యాచ్ ఇచ్చి పెవిలియన్కు చేరాడు.

ధోని స్టంపౌట్ మ్యాచ్కే హైలెట్
ఓ వైపు వికెట్లు పడుతున్నా మ్యాక్స్వెల్ నిలకడగా ఆడుతూ స్కోరు బోర్డుని పరిగెత్తించాడు. హ్యాండ్స్కాంబ్ (19)తో కలిసి ఆస్ట్రేలియా స్కోరు బోర్డుని ఆదుకునే ప్రయత్నం చేశాడు. ఈ సమయంలో కుల్దీప్ యాదవ్ స్లో డెలివరీని ముందుకొచ్చి ఆడే క్రమంలో హ్యాండ్స్కాంబ్ని ధోని స్టంపౌట్ చేశాడు. ఈ స్టంపౌట్ మ్యాచ్కే హైలెట్గా నిలిచింది.
భారత బౌలర్లు అదుర్స్
కుల్దీప్ వేసిన స్లో డెలివరీని ముందుకొచ్చి ఆడేందుకు హాండ్స్కాంబ్ ప్రయత్నించగా బంతి అతని బ్యాట్-ప్యాడ్ మధ్యలోంచి వెళ్లి నేరుగా భారత వికెట్ కీపర్ ధోనీ చేతిలో పడింది. ఇక, ధోని స్టంపౌట్ చేయగానే హ్యాండ్స్కాంబ్ పెవిలియన్ బాటపట్టాడు. ఈ మ్యాచ్లో ఆసీస్ బ్యాట్స్మెన్ పరుగులు చేయకుండా భారత బౌలర్లు కట్టడి చేశారు.
టీమిండియా విజయ లక్ష్యం 237
దీంతో ఆస్ట్రేలియా జట్టు నిర్ణీత 50 ఓవర్లలో 7 వికెట్లు కోల్పోయి 236 పరుగులు చేసింది. దీంతో టీమిండియాకు 237 పరుగుల స్వల్ప లక్ష్యాన్ని నిర్దేశించింది. భారత బౌలర్లలో షమీ, బుమ్రా, కుల్దీప్ యాదవ్ చెరో రెండు వికెట్లు తీసుకోగా కేదార్ జాదవ్ ఒక వికెట్ తీసుకున్నాడు.
- Male
- Female
- Others
- Under 18
- 18 to 25
- 26 to 35
- 36 to 45
- 45 to 55
- 55+


Click it and Unblock the Notifications