IND vs SL: టెస్టుల్లో సరికొత్త చరిత్ర సృష్టించిన శుభ్‌మన్ గిల్!

IND vs SL: భారత్, శ్రీలంక జట్ల మధ్య రెండో టెస్ట్ మ్యాచ్ కొలంబోలోని సింహళీస్ స్పోర్ట్స్ క్లబ్‌లో జరుగుతోంది. ఈ మ్యాచ్‌లో టీమిండియా కెప్టెన్ శుభ్‌మన్ గిల్ ఓ కీలక మైలురాయిని సాధించాడు. తొలి ఇన్నింగ్స్‌లో 7 పరుగులు చేసిన వెంటనే శుభ్‌మన్ గిల్ టెస్ట్ క్రికెట్లో 3 వేల పరుగులు పూర్తి చేశాడు. దీంతో శుభ్‌మన్ గిల్ ఓ ముఖ్యమైన రికార్డును నెలకొల్పాడు. దీంతో శుభ్‌మన్ గిల్ సచిన్ టెండూల్కర్, వీరేంద్ర సెహ్వాగ్ వంటి దిగ్గజాల సరసన చేరాడు.

IND vs SL: టీమిండియా స్టార్‌తో శ్రీలంక బౌలర్ గొడవ! (వీడియో)

ఓ కీలక మైలురాయిని సాధించిన శుభ్‌మన్ గిల్
శ్రీలంకతో జరిగిన రెండో టెస్టులో శుభ్‌మన్ గిల్ 7 పరుగులు చేసిన వెంటనే 3,000 టెస్ట్ పరుగుల మైలురాయిని చేరుకున్నాడు. శుభ్‌మన్ గిల్ ఈ ఘనతను 26 ఏళ్ల 349 రోజుల వయస్సులో సాధించాడు. దీంతో శుభ్‌మన్ గిల్ ఇప్పుడు భారత్ తరపున 3,000 టెస్ట్ పరుగులు చేసిన నాలుగో అతి పిన్న వయస్కుడైన బ్యాటర్‌గా నిలిచాడు. సచిన్ టెండూల్కర్, వీరేంద్ర సెహ్వాగ్, దిలీప్ వెంకటేశ్వర్ శుభ్‌మన్ గిల్ కంటే తక్కువ వయస్సులోనే ఈ ఘనతను సాధించారు. సచిన్ టెండూల్కర్ 23 ఏళ్ల 228 రోజుల వయస్సులో, సెహ్వాగ్ 26 ఏళ్ల 157 రోజుల వయస్సులో, దిలీప్ వెంకటేశ్వర్ 26 ఏళ్ల 262 రోజుల వయస్సులో 3,000 టెస్ట్ పరుగులు సాధించారు. ఇప్పుడు శుభ్‌మన్ గిల్కూడా 3,000 టెస్ట్ పరుగుల మైలురాయిని చేరుకోవడం ద్వారా ఈ అరుదైన క్లబ్‌లో చేరాడు.

అతి పిన్న వయస్సులో 3000 వేల టెస్ట్ పరుగులు చేసిన భారత ఆటగాళ్లు వీరే..
*23 సంవత్సరాల 228 రోజులు - సచిన్ టెండూల్కర్
*26 సంవత్సరాల 157 రోజులు - వీరేంద్ర సెహ్వాగ్
*26 సంవత్సరాల 263 రోజులు - దిలీప్ వెంగ్‌సర్కార్
*26 సంవత్సరాల 349 రోజులు - శుభ్‌మన్ గిల్
*26 సంవత్సరాల 356 రోజులు - కపిల్ దేవ్

Also Read

IND vs SL 2nd Test: రెండో టెస్టుకు స్టార్ క్రికెటర్ దూరం.. ఆల్‌రౌండర్ అరంగేట్రం!

కెప్టెన్ అయ్యాక అద్భుతంగా రాణిస్తున్న గిల్
2025 ఇంగ్లాండ్ పర్యటనలో శుభ్‌మన్ గిల్ భారత టెస్ట్ జట్టుకు నాయకత్వం వహించాడు. కెప్టెన్ అయినప్పటి నుంచి శుభ్‌మన్ గిల్ టెస్టుల్లో నిలకడగా పరుగులు సాధిస్తున్నాడు. కెప్టెన్ కాకముందు అతను 32 టెస్టులు ఆడి, 35.05 సగటుతో 1,893 పరుగులు చేశాడు. కెప్టెన్‌గా తన 10 టెస్టుల్లో శుభ్‌మన్ గిల్ 75+ సగటుతో 1,100కు పైగా పరుగులు సాధించాడు, ఇందులో ఆరు సెంచరీలు, ఒక హాఫ్ సెంచరీ ఉన్నాయి.

శుభ్‌మన్ గిల్ టెస్ట్ కెరీర్
శుభ్‌మన్ గిల్ 2020లో ఆస్ట్రేలియాపై తన టెస్ట్ అరంగేట్రం చేశాడు. గిల్ ఇప్పటివరకు భారత్ తరపున 43 టెస్ట్ మ్యాచ్‌లు ఆడి, 77 ఇన్నింగ్స్‌లలో సుమారు 45 సగటుతో 3,000 పరుగులకు పైగా సాధించాడు. ఈ కాలంలో అతను 11 సెంచరీలు, 8 హాఫ్ సెంచరీలు కూడా సాధించాడు. గిల్ అత్యధిక టెస్ట్ స్కోరు 269. గిల్ ఇప్పటివరకు వరల్డ్ టెస్ట్ ఛాంపియన్‌షిప్ (WTC)లో 42 మ్యాచ్‌లలో 76 ఇన్నింగ్స్‌లలో సుమారు 42 సగటుతో 2,850 పరుగులకు పైగా సాధించాడు.