IND vs SL 2nd Test: రెండో టెస్టుకు స్టార్ క్రికెటర్ దూరం.. ఆల్‌రౌండర్ అరంగేట్రం!

IND vs SL 2nd Test: భారత్, శ్రీలంక జట్ల మధ్య కొలంబో వేదికగా జరుగుతున్న రెండో టెస్ట్ మ్యాచ్ లో టీమిండియా ప్లేయింగ్ 11లో కీలక మార్పు జరిగింది. రెండు మ్యాచ్‌ల టెస్ట్ సిరీస్‌లోని రెండో, చివరి టెస్ట్ కొలంబోలోని సింహళీస్ స్పోర్ట్స్ క్లబ్‌లో జరుగుతోంది. భారత జట్టు టాస్ గెలిచి మొదట బ్యాటింగ్ ఎంచుకుంది. మొదటి మ్యాచ్‌లో 165 పరుగుల తేడాతో విజయం సాధించినప్పటికీ.. భారత తుది జట్టులో ఓ కీలక మార్పు జరిగింది. స్టార్ స్పిన్నర్ కుల్దీప్ యాదవ్‌ను ఈ మ్యాచ్ నుంచి తప్పించి, అతని స్థానంలో సారాంశ్ జైన్‌కు అరంగేట్రం చేసే అవకాశం ఇచ్చారు.

ట్రోఫీలు గెలవడమే నా పని.. వారి అభిప్రాయాలు, ఇష్టాలు అక్కర్లేదు: గౌతమ్ గంభీర్

శ్రీలంకతో జరగనున్న రెండో టెస్టుకు భారత తుది జట్టులో మార్పులు జరిగాయి. చైనామన్ బౌలర్ కుల్దీప్ యాదవ్ ఈ మ్యాచ్‌కు దూరమయ్యాడు. టాస్ గెలిచిన అనంతరం, కుల్దీప్‌కు ఇన్ఫెక్షన్ సోకిందని, దాని కారణంగా అతను మ్యాచ్ ఆడలేకపోతున్నాడని భారత కెప్టెన్ శుభ్‌మన్ గిల్ ప్రకటించాడు. కుల్దీప్ యాదవ్ కు విశ్రాంతిని ఇచ్చినట్లు కెప్టెన్ వెల్లడించాడు. కుల్దీప్ స్థానంలో 33 ఏళ్ల ఆల్‌రౌండర్ సారాంశ్ జైన్‌కు అరంగేట్రం చేసే అవకాశం లభించింది. సారాంశ్ జైన్‌కు ఇదే తొలి అంతర్జాతీయ మ్యాచ్. మ్యాచ్‌కు ముందు రవీంద్ర జడేజా అతనికి టెస్ట్ అరంగేట్రపు క్యాప్‌ను బహూకరించాడు.

ఈ మ్యాచ్ కోసం ఇరు జట్ల ప్లేయింగ్ 11 వివరాలు

భారత్: యశస్వి జైస్వాల్, కేఎల్ రాహుల్, దేవదత్ పడిక్కల్, శుభ్‌మన్ గిల్ (కెప్టెన్), రిషబ్ పంత్ (వికెట్ కీపర్), రవీంద్ర జడేజా, ధ్రువ్ జురేల్, సారాంశ్ జైన్, మానవ్ సుతార్, మహ్మద్ సిరాజ్, ప్రసిద్ధ్ కృష్ణ.

Also Read

Hockey World Cup 2026: నెదర్లాండ్స్ చేతిలో ఓటమి.. భారత్ సెమీస్ చేరాలంటే..?

శ్రీలంక: లాహిరు ఉదార, కమిల్ మిషార, పసిందు సూర్యబండార, కమిందు మెండిస్, ధనంజయ డి సిల్వా (కెప్టెన్), సోనాల్ దినుషా, నిరోషన్ డిక్వెల్లా (వికెట్ కీపర్), కేశర నువంత, ప్రభాత్ జయసూర్య, లాహిరు కుమార, అసిత ఫెర్నాండో