IND vs SA: దక్షిణాఫ్రికా చేతిలో భారత్ ఓటమి

IND vs SA: మహిళల టీ20 ప్రపంచ కప్ 2026 టోర్నీలో భారత మహిళా జట్టు అజేయ రథానికి బ్రేక్ పడింది. మాంచెస్టర్‌లోని ప్రతిష్టాత్మక ఓల్డ్ ట్రాఫోర్డ్ మైదానంలో జరిగిన 18వ లీగ్ మ్యాచ్‌లో దక్షిణాఫ్రికా మహిళల జట్టు చేతిలో టీమిండియా 6 వికెట్ల తేడాతో ఘోర పరాజయాన్ని చవిచూసింది. ఈ టోర్నీలో వరుసగా రెండు మ్యాచ్‌లు గెలిచి జోరుమీదున్న భారత జట్టుకు ఇది మొదటి ఓటమి కాగా, దక్షిణాఫ్రికా జట్టుకు ఇది వరుసగా రెండో విజయం కావడం విశేషం.

టాస్ గెలిచినా కలిసిరాని అదృష్టం:
ఈ చారిత్రాత్మక మ్యాచ్‌తో భారత కెప్టెన్ హర్మన్‌ప్రీత్ కౌర్ తన కెరీర్‌లో 200వ అంతర్జాతీయ టీ20 మ్యాచ్ ఆడి సరికొత్త రికార్డు సృష్టించింది. ఈ మైల్‌స్టోన్ మ్యాచ్‌లో టాస్ గెలిచిన హర్మన్‌ప్రీత్ మొదట బ్యాటింగ్ ఎంచుకుంది. అయితే దక్షిణాఫ్రికా బౌలర్లు కట్టుదిట్టమైన లైన్ అండ్ లెంగ్త్‌తో బౌలింగ్ చేస్తూ ప్రారంభంలోనే భారత టాప్ ఆర్డర్‌ను దెబ్బతీశారు. దీంతో టీమిండియా పవర్‌ప్లేలోనే కీలక వికెట్లు కోల్పోయి కాస్త ఒత్తిడిలో పడింది. తొలినాళ్లలోనే వికెట్లు పడిపోయినప్పటికీ, భారత మిడిల్ ఆర్డర్, లోయర్ ఆర్డర్ బ్యాటర్లు జట్టును ఆదుకునే ప్రయత్నం చేశారు. ఏ ఒక్క బ్యాటర్ కూడా భారీ ఇన్నింగ్స్ లేదా హాఫ్ సెంచరీ చేయలేకపోయినప్పటికీ.. జట్టులోని ప్రతి ఒక్కరూ తమ వంతుగా చిన్న చిన్న కీలక భాగస్వామ్యాలు నెలకొల్పారు. దీనివల్ల భారత జట్టు నిర్ణీత 20 ఓవర్లలో 7 వికెట్ల నష్టానికి 158 పరుగుల గౌరవప్రదమైన స్కోరు సాధించింది. సౌతాఫ్రికా ముందు 159 పరుగుల సవాల్‌తో కూడిన లక్ష్యాన్ని ఉంచింది.

లక్ష్య ఛేదనలో చెలరేగిన దక్షిణాఫ్రికా
ఈ మ్యాచ్‌లో మొదట బ్యాటింగ్ చేసిన భారత జట్టు ప్రత్యర్థి ముందు 159 పరుగుల గౌరవప్రదమైన లక్ష్యాన్ని ఉంచింది. అయితే 159 పరుగుల టార్గెట్‌తో బరిలోకి దిగిన సౌతాఫ్రికా మహిళల జట్టు ఏమాత్రం ఒత్తిడికి గురికాకుండా ఆరంభం నుంచే దూకుడుగా ఆడింది. 159 పరుగుల టార్గెట్‌తో బరిలోకి దిగిన సౌతాఫ్రికా మహిళల టీమ్‌కు ప్రారంభంలోనే గట్టి షాక్ తగిలింది. కేవలం 25 పరుగులకే ఆ జట్టు 2 వికెట్లు కోల్పోయింది. అయితే ఆ దశలో సౌతాఫ్రికా బ్యాటర్లు ఇన్నింగ్స్‌ను ఎంతో అద్భుతంగా చక్కదిద్దారు. ఆ జట్టు బ్యాటర్లు భారత బౌలింగ్ ఎటాక్‌ను సమర్థవంతంగా ఎదుర్కొంటూ, ఎక్కడా లూజ్ షాట్లకు తావివ్వకుండా చాలా సులువుగా లక్ష్యాన్ని ఛేదించారు. దక్షిణాఫ్రికా జట్టులో మారిజాన్ కాప్ 81 పరుగుల విన్నింగ్ ఇన్నింగ్స్ ఆడి జట్టును విజయతీరాలకు చేర్చింది. 19.1 ఓవర్లలోనే 4 వికెట్లు కోల్పోయి 161 పరుగులు చేసి సౌతాఫ్రికా ఘన విజయం సాధించింది. టీమిండియా బౌలర్లలో 3 వికెట్లు పడగొట్టి శ్రీచరణి సౌతాఫ్రికా బ్యాటర్లను కాస్త కట్టడి చేసింది. కానీ అది భారత పరాజయాన్ని ఆపలేకపోయింది. 159 పరుగుల టార్గెట్‌తో బరిలోకి దిగిన సౌతాఫ్రికా మహిళల టీమ్‌కు ప్రారంభంలోనే గట్టి షాక్ తగిలింది. కేవలం 25 పరుగులకే ఆ జట్టు 2 వికెట్లు కోల్పోయింది. అయితే ఆ దశలో సౌతాఫ్రికా బ్యాటర్లు ఇన్నింగ్స్‌ను ఎంతో అద్భుతంగా చక్కదిద్దారు

భారత బౌలర్ల వైఫల్యం.. టోర్నీలో తొలి ఓటమి
మంచి ఫామ్‌లో ఉన్న భారత మహిళల జట్టు ఈ మ్యాచ్‌లో దక్షిణాఫ్రికా బ్యాటింగ్ పవర్‌ ముందు పూర్తిగా తేలిపోయింది. కట్టుదిట్టమైన లైన్ అండ్ లెంగ్త్‌తో బౌలింగ్ చేయడంలో భారత బౌలర్లు విఫలం కావడంతో మ్యాచ్ పూర్తిగా చేజారిపోయింది. ఈ ఓటమితో టీమిండియా టోర్నమెంట్‌లో తమ మొదటి పరాజయాన్ని నమోదు చేయగా, రాబోయే మ్యాచ్‌ల్లో సెమీఫైనల్ రేసులో నిలవాలంటే భారత్ తన తదుపరి పోరులో ఖచ్చితంగా పుంజుకోవాల్సిన పరిస్థితి ఏర్పడింది.