ఒకే ఒక్కడు: పేసర్ భువనేశ్వర్ ఖాతాలో అరుదైన రికార్డు (ఫోటోలు)

భారత్ తరఫున ఇవే అత్యుత్తమ బౌలింగ్ గణాంకాలు

గతేడాది చిన్నస్వామి స్టేడియంలో 4 ఓవర్లు వేసిన చాహల్ 25 పరుగులిచ్చి 6 వికెట్లు తీశాడు. టీ20ల్లో భారత్ తరఫున ఇవే అత్యుత్తమ బౌలింగ్ గణాంకాలు కావడం విశేషం. 14 ఓవర్లు ముగిసే సరికి దక్షిణాఫ్రికా 3 వికెట్లు కోల్పోయి 121 పరుగులు చేసి గెలుపు రేసులోకి వచ్చినా... చివరకు ఆ జట్టు 20 ఓవర్లు ముగిసే సమయానికి 175/9కే పరిమితమైంది.

దక్షిణాఫ్రికా అభిమానుల్లో ఎక్కడో గెలుపు ఆశ

సాధించాల్సిన రన్‌రేట్‌ ఎక్కువగానే ఉన్నప్పటికీ క్రీజులో బ్యాట్స్‌మెన్ నిలదొక్కుకోని ఉండటంతో పాటు చేతిలో వికెట్లు కూడా ఉన్నాయి. దీంతో దక్షిణాఫ్రికా అభిమానుల్లో ఎక్కడో గెలుపు ఆశ. అదే సమయంలో బెహార్డీన్‌ను చాహల్‌ ఔట్‌ చేయడంతో 81 పరుగుల నాలుగో వికెట్‌ భాగస్వామ్యానికి తెరపడింది.

18 బంతుల్లో 50 పరుగులు

మరోవైపు హెండ్రిక్స్‌ దూకుడుగా ఆడటం, క్లాసన్‌ (16) దూకుడుగా ఇన్నింగ్స్‌ ఆరంభించడంతో 17 ఓవర్లకు దక్షిణాఫ్రికా 154/4తో నిలిచింది. దీంతో 18 బంతుల్లో దక్షిణాఫ్రికా విజయానికి 50 పరుగులు అవసరమయ్యాయి. టీ20ల్లో ఇది సాధ్యమే. కానీ ఆతిథ్య జట్టు ఆశలపై భువీ నీళ్లు చల్లాడు.

నాలుగు ఓవర్లలో 24 పరుగులిచ్చి 5 వికెట్లు

భారత విజయంలో భువనేశ్వర్ కుమార్ కీలక పాత్ర పోషించాడు. ఇన్నింగ్స్ 18వ ఓవర్లో భువీ హ్యాట్రిక్ దెబ్బకు సఫారీలు చిత్తయ్యారు. ఒకే ఓవర్లో మూడు వికెట్లు తీశాడు. 4 ఓవర్లలో 24 పరుగులిచ్చి ఐదు వికెట్లు పడగొట్టాడు. తొలి టీ20లో నాలుగు ఓవర్లలో 24 పరుగులిచ్చి 5 వికెట్లు తీశాడు. మొదటిసారి టీ20ల్లో 5 వికెట్లు తీసిన భువీకి మ్యాన్ ఆఫ్ ద మ్యాచ్ అవార్డు సైతం లభించింది.