IND vs ENG: ఇంగ్లాండ్ పర్యటనలో టెస్టుల్లో అరంగేట్రం.. ఈ ముగ్గురు మూమూలోళ్లు కాదు!

IND vs ENG: జూన్ 20 నుంచి భారత్, ఇంగ్లాండ్ జట్ల మధ్య 5 మ్యాచ్ ల టెస్ట్ సిరీస్ ప్రారంభం కానుంది. ఇంగ్లాండ్ పర్యటన కోసం బీసీసీఐ 18 మంది సభ్యుల జట్టును కూడా ప్రకటించింది. రోహిత్ శర్మ టెస్టుల నుంచి రిటైర్మెంట్ ప్రకటించిన తర్వాత బీసీసీఐ ఇప్పుడు శుభ్‌మన్ గిల్‌ను కొత్త కెప్టెన్‌గా నియమించగా.. రిషబ్ పంత్ ను వైస్ కెప్టెన్‌గా నియమించింది. ఇప్పుడు ఇంగ్లాండ్ పర్యటనలో భారత్ తరఫున టెస్టుల్లో అరంగేట్రం చేయగల ముగ్గురు ఆటగాళ్లు గురించి తెలుసుకుందాం.

సాయి సుదర్శన్
యువ బ్యాటర్ సాయి సుదర్శన్ ఐపీఎల్ 2025లో తన క్లాస్ బ్యాటింగ్‌తో అందరి హృదయాలను గెలుచుకున్నాడు. సాయి సుదర్శన్ టెక్నికల్ షాట్లు ఆడగలడు. అతని టైమింగ్ అద్భుతంగా ఉంటుంది. సాయి సుదర్శన్ 29 ఫస్ట్ క్లాస్ మ్యాచ్‌లు కూడా ఆడి 1957 పరుగులు చేశాడు. సాయి సుదర్శన్ పేరు మీద ఫస్ట్ క్లాస్ క్రికెట్‌లో 7 సెంచరీలు, 5 అర్థ సెంచరీలు ఉన్నాయి. ఇంగ్లాండ్ పర్యటనలో సాయి సుదర్శన్ అరంగేట్రం దాదాపు ఖాయం.

అభిమన్యు ఈశ్వరన్
29 ఏళ్ల టాప్ ఆర్డర్ బ్యాటర్ అభిమన్యు ఈశ్వరన్ ఈ సారి ఇంగ్లాండ్ పర్యటనలో భారత్ తరఫున టెస్ట్ అరంగేట్రం చేయనున్నాడు. అభిమన్యు ఈశ్వరన్ 101 ఫస్ట్ క్లాస్ మ్యాచ్‌ల్లో 27 సెంచరీలు, 29 హాఫ్ సెంచరీల సాయంతో 7674 పరుగులు చేశాడు. విరాట్ కోహ్లీ, రోహిత్ శర్మ టెస్టుల నుంచి రిటైర్మెంట్ తీసుకున్న నేపథ్యంలో అభిమన్యు ఈశ్వరన్ టాప్ ఆర్డర్‌లో ఆడే అవకాశం లభించవచ్చు. అభిమన్యు ఈశ్వరన్ ఇంగ్లాండ్ లయన్స్ జట్టుతో ఆడే ఇండియా ఏ జట్టుకు కెప్టెన్‌గా కూడా వ్యవహరిస్తాడు.

అర్ష్‌దీప్ సింగ్
ఎడమచేతి వాటం పేసర్ అర్ష్ దీప్ సింగ్ తొలిసారి భారత టెస్ట్ జట్టులోకి ఎంపికయ్యాడు. అర్ష్‌దీప్ సింగ్‌కు కూడా అరంగేట్రం చేసే అవకాశం లభించవచ్చు. అర్ష్‌దీప్ సింగ్ 21 ఫస్ట్ క్లాస్ మ్యాచ్‌ల్లో 66 వికెట్లు పడగొట్టాడు.