IND vs ENG: ప్లేయింగ్ XIలో చోటుపై సందేహం.. ఇప్పుడు విజయానికి 'ఆకాశ్‌'మే హద్దు

IND vs ENG: ఆకాశ్ దీప్.. ప్లేయింగ్ 11లో చోటు దక్కుతుందా లేదా అనే విషయంలో సందేహం ఉన్న ఆటగాడు. రెండో టెస్టులో జస్‌ప్రీత్ బుమ్రాకు విశ్రాంతి ఇవ్వబోతున్నారనే వార్త రాగానే అర్ష్‌దీప్ సింగ్ టెస్టుల్లో అరంగేట్రం చేయవచ్చని అందరూ భావించారు. కానీ కెప్టెన్ శుభ్‌మన్ గిల్ ఆకాశ్ దీప్‌పై నమ్మకం ఉంచి ఎడ్జ్‌బాస్టన్ టెస్టులో అవకాశం కల్పించాడు. ఈ అవకాశాన్ని ఆకాశ్‌దీప్ సద్వినియోగం చేసుకుని తన అద్భుతమైన బౌలింగ్‌తో ఇంగ్లండ్‌ను షాక్‌కు గురిచేశాడు. ఇంగ్లండ్ ఈ మ్యాచ్‌లో 608 పరుగుల లక్ష్యాన్ని ఛేదించడానికి బరిలోకి దిగింది. చివరి రోజు వర్షం కారణంగా ఆట ఆలస్యంగా ప్రారంభమైంది. వర్షం ఆగిన వెంటన్ ఆకాశ్ దీప్ ఇంగ్లండ్ జట్టుపై విరుచుకుపడ్డాడు.

ఐదో రోజు ఆకాశ్ దీప్ మొదట ఓలీ పోప్‌ను తన బాధితుడిగా మార్చుకున్నాడు. అనంతరం హ్యారీ బ్రూక్‌ను కూడా పెవిలియన్‌కు పంపాడు. వరుస షాకులతో ఇంగ్లాండ్ పూర్తిగా దెబ్బతింది. వారు 80 పరుగులకే 5 వికెట్లు కోల్పోయారు. ఈ ఇన్నింగ్స్‌లో ఆకాశ్ దీప్ మొత్తం 4 వికెట్లు తీశాడు. నాలుగో రోజు ఆకాశ్ దీప్ 2 వికెట్లు పడగొట్టాడు.

రెండో ఇన్నింగ్స్‌లో సత్తా చాటిన ఆకాశ్ దీప్
608 పరుగుల లక్ష్యాన్ని ఛేదించడానికి రెండో ఇన్నింగ్స్‌లో బరిలోకి దిగిన ఇంగ్లండ్‌పై ఆకాశ్‌దీప్ మొదట బెన్ డకెట్‌ను క్లీన్ బౌల్డ్ చేశాడు. డకెట్ కేవలం 25 పరుగులు మాత్రమే చేయగలిగాడు. ఆ తర్వాత జో రూట్‌ను కూడా అద్భుతమైన ఇన్‌స్వింగ్ బంతితో క్లీన్ బౌల్డ్ చేసి ఇంగ్లండ్‌కు పెద్ద షాక్ ఇచ్చాడు. ఇది నాలుగో రోజు వరకు జరిగిన విషయం. ఆపై ఐదో రోజు ఆకాశ్‌దీప్ వచ్చి మ్యాచ్‌ను శాసించాడు. మొదట అతను ఓలీ పోప్‌ను క్లీన్ బౌల్డ్ చేసి, కొన్ని నిమిషాల తర్వాత హ్యారీ బ్రూక్‌ను ఎల్బీడబ్ల్యూ చేశాడు. తొలి ఇన్నింగ్స్‌లో కూడా ఆకాశ్‌దీప్ 4 వికెట్లు తీశాడు.

ఓలీ పోప్ ఎలా ఔటయ్యాడంటే?
ఆకాశ్ దీప్ భారత జట్టు తరఫున ఇన్నింగ్స్ 20వ ఓవర్‌ను వేయడానికి వచ్చాడు. ఈ ఓవర్ మొదటి బంతికే ఆకాశ్ దీప్ ఓలీ పోప్‌ను బోల్తా కొట్టించాడు.బంతిని డిఫెండ్ చేయడానికి బ్యాటర్ చాలా ప్రయత్నించాడు. కానీ బంతి బ్యాట్‌కు తగిలి స్టంప్‌లోకి దూసుకుపోయి బెయిల్స్‌ను పడగొట్టింది. ఈ విధంగా ఔట్ అయిన తర్వాత పోప్ చాలా నిరాశగా కనిపించాడు. ఆకాశ్ దీప్ అద్భుతంగా సంబరాలు చేసుకున్నాడు. సహచర ఆటగాళ్లు ఆకాశ్ దీప్ వద్దకు పరిగెత్తుకుంటూ వచ్చారు. ఓలీ పోప్ నాలుగో వికెట్ రూపం 80 పరుగుల వద్ద ఔటయ్యాడు.

విజయం అంచున టీమిండియా.
మ్యాచ్ విషయానికి వస్తే, టీమిండియా 608 పరుగుల లక్ష్యాన్ని నిర్దేశించింది. చివరి రోజు ఇంగ్లండ్‌కు 538 పరుగులు చేయాలి. వారి చేతిలో 7 వికెట్లు ఉండగా, వాటిలో 2 ఇప్పటికే పడిపోయాయి. ఇంగ్లండ్ మొత్తం 5 వికెట్లు కోల్పోయింది. ప్రస్తుతం క్రీజులో జెమీ స్మిత్ 31 పరుగులతో, బెన్ స్టోక్స్ 32 పరుగులతో నాటౌట్‌గా ఉన్నారు. ఇక్కడ నుంచి వారికి గెలవడానికి ఇంకా 457 పరుగులు కావాలి. భారత్ తరపున రెండో ఇన్నింగ్స్‌లో ఆకాశ్‌దీప్ 4 వికెట్లు, మహ్మద్ సిరాజ్ ఒక వికెట్ తీసుకున్నారు. టీమిండియా ఒక విధంగా విజయం అంచున ఉంది. వారికి ఇంకా 5 వికెట్లు పడగొట్టాలి.