Click it and Unblock the Notifications
షాకిచ్చిన అండర్సన్:
ఈ మ్యాచులో టాస్ గెలిచిన టీమిండియా కెప్టెన్ విరాట్ కోహ్లీ బ్యాటింగ్ ఎంచుకున్నాడు. ఇన్నింగ్స్ ఆరంభంలోనే స్టార్ ఓపెనర్, సెంచరీ హీరో కేఎల్ రాహుల్ (0; 4 బంతుల్లో) డకౌటయ్యాడు. జేమ్స్ అండర్సన్ వేసిన తొలి ఓవర్ ఐదవ బంతికే కీపర్ జోస్ బట్లర్కు క్యాచ్ ఇచ్చి రాహుల్ వెనుదిరిగాడు. బంతిని డ్రైవ్ చేయబోగా.. బ్యాటు అంచుకు తగిలి కీపర్ చేతుల్లో పడింది. రాహుల్ అనంతరం క్రీజులోకి వచ్చిన టెస్ట్ స్పెసలిస్ట్ బ్యాట్స్మన్ చేతేశ్వర్ పుజారా (1; 9 బంతుల్లో) కూడా నిరాశపరిచాడు. అండర్సన్ వేసిన 4.1వ బంతికి అతడు కీపర్ బట్లర్కు క్యాచ్ ఇచ్చాడు. దీంతో భారత్ నాలుగు పరుగులకే రెండు కీలక వికెట్లు కోల్పోయి కష్టాల్లో పడింది.
7 పరుగులకే ఔట్:
చేతేశ్వర్ పుజారా అనంతరం కెప్టెన్ విరాట్ కోహ్లీ క్రీజులోకి రాగా.. ఓపెనర్ రోహిత్ శర్మ వికెట్ కాపాడుకునేందుకు ప్రయత్నించాడు. జేమ్స్ అండర్సన్ నిప్పులు చేరగడంతో తన సహజ శైలికి పూర్తి బిన్నంగా ఆడాడు. అనవసర షాట్లకు పోకుండా క్రీజులో కుదురుకున్నాడు. అయితే అండర్సన్ వేసిన ఇన్నింగ్స్ 10.5 ఓవర్కు కోహ్లీ ఔట్ అయ్యాడు. కీపర్ బట్లర్కి అతడు క్యాచ్ ఇచ్చాడు. దీంతో అండర్సన్ను ఎదుర్కోవడంలో కోహ్లీ మరోసారి విఫలమయ్యాడు. 7 పరుగులకే ఔట్ అవ్వడంతో భారత ఇన్నింగ్స్ గతి తప్పింది. విరాట్ అవుట్ తర్వాత క్రీజులోకి వచ్చిన అజింక్య రహానేతో కలిసి రోహిత్ నిదానంగా ఆడుతూ వికెట్లు పడకుండా అడ్డుకున్నాడు.
ఆరు బంతుల్లో 4 వికెట్లు:
అజింక్య రహానే, రోహిత్ శర్మ ఇద్దరూ సమయోచితంగా ఆడారు. రోహిత్ పూర్తిగా డిఫెన్స్కే పరిమితమయినా.. రహానే సింగిల్స్ తీస్తూ స్కోర్ వేగం పెంచే ప్రయత్నం చేశాడు. 18 పరుగులు చేసిన రహానే క్రీజులో కుదురుకున్నట్టుగానే కనిపించాడు. అయితే అంతలోనే ఓలి రాబిన్సన్కు చిక్కి వికెట్ సమర్పించుకున్నాడు. అనంతరం లంచ్ బ్రేక్కు వెళ్లింది భారత్. ఇక లంచ్ అనంతరం సామ్ కరన్, క్రెయిగ్ ఓవర్టన్ చెలరేగడంతో భారత్ ఆరు బంతుల్లో 4 వికెట్లు కోల్పోయింది. రోహిత్ శర్మ, రిషబ్ పంత్ (2), రవీంద్ర జడేజా (4), మొహ్మద్ షమీ (0), జస్ప్రీత్ బుమ్రా (0)లు ఔట్ అయ్యారు. ఇషాంత్ శర్మ (8 నాటౌట్) స్కోర్ వేగం పెంచే ప్రయత్నం చేయగా.. మొహ్మద్ సిరాజ్ (3) ఔట్ అవ్వడంతో భారత ఇన్నింగ్స్కు తెరపడింది.
పోటాపోటీగా వికెట్లు తీస్తూ:
ఆతిథ్య బౌలర్లలో జేమ్స్ అండర్సన్ తొలుత భారత జట్టు ఇన్నింగ్స్ను కుప్పకూల్చగా.. ఆ తర్వాత ఓలి రాబిన్సన్, సామ్ కరన్, క్రెయిగ్ ఒవెర్టన్లు భారత్ పనిపట్టారు. పోటాపోటీగా వికెట్లు తీస్తూ టీమిండియా బ్యాటింగ్ను కుప్పకూల్చారు. వీరిలో అండర్సన్, ఒవెర్టన్ చెరో మూడు వికెట్లు తీయగా. రాబిన్సన్, కరన్ రెండేసి వికెట్ల చొప్పున తీసుకున్నారు. అనంతరం తొలి ఇన్నింగ్స్ చేపట్టిన ఇంగ్లండ్ వేగంగా పరుగులు చేస్తోంది.
Continue with Google