Click it and Unblock the Notifications
ఛేదనకు నిర్దిష్ట స్కోరు మా ముందు ఉండాలనుకున్నా
ఇక ఈ మ్యాచ్ టాస్ కోసం ఇరు జట్ల కెప్టెన్లు గ్రౌండ్లోకి వచ్చారు. టాస్ గెలిచిన రోహిత్ శర్మ తొలుత బౌలింగ్ ఎంచుకున్నాడు. ఇక టాస్ అనంతరం రోహిత్ మాట్లాడుతూ.. మేము ముందుగా బౌలింగ్ ఎంచుకుంటాం. పిచ్ కొంత గ్రాస్తో కప్పబడి ఉంది. కాస్త వెదర్ కూడా మేఘావృతమై ఉంది. పైగా తొలి ఇన్నింగ్స్ ముగిసే సరికి సూర్యాస్తమయం అవుతుంది.
అప్పుడు మాకు కొంచెం ఎడ్జ్ ఉంటుందనిపిస్తుంది. ఇక ఛేదనకు నిర్దిష్టంగా ఓ స్కోరు మా ముందు ఉండాలి. షమీ, బుమ్రా బంతిని బాగా స్వింగ్ చేయగలరు. ముందుగా వికెట్లు తీయడం, స్కోరింగ్కు బ్రేకులు వేయడం చాలా ముఖ్యం. విదేశాల్లో ఆడే ప్రాముఖ్యతను మేము అర్థం చేసుకున్నాం. స్వదేశంలోనే కాకుండా విదేశాల్లోనూ రాణించాలనుకుంటున్నాం. మా జట్టులో ఐదుగురు బ్యాటర్లు, ఇద్దరు ఆల్ రౌండర్లు ఉన్నారు. కోహ్లీ ఈ గేమ్ ఆడట్లేదు. అతని స్థానంలో శ్రేయస్ నంబర్ 3స్థానంలో బ్యాటింగ్ చేస్తాడు. అని పేర్కొన్నాడు.
గజ్జల్లో గాయం కారణంగా విరాట్ దూరం
మూడో టీ20 సందర్భంగా విరాట్కు గజ్జల్లో గాయమైంది. అయితే ఫీల్డింగ్ చేస్తున్నప్పుడా.. బ్యాటింగ్ చేస్తున్నప్పుడా అనేది ఇంకా స్పష్టత లేదు. అయితే ఫీల్డింగ్ చేస్తున్నప్పుడే ఈ గాయమైందని స్పష్టమవుతుంది. ఎందుకంటే కోహ్లీ పెద్ద ఇన్నింగ్సేం ఆడలేదు. ఫీల్డింగ్ టైంలో ఓ ఫోర్ ఆపే క్రమంలో డైవ్ చేశాడు. కానీ బంతి ఆగలేదు. అప్పుడే గాయపడ్డట్టున్నాడు. గజ్జలో నొప్పి కారణంగా అతనికి విశ్రాంతి తప్పకుండా అవసరమైంది. అందువల్ల విరాట్ తొలి వన్డేకు అందుబాటులో లేడు. ఇక రెండు, మూడు వన్డేలకు అతను అందుబాటులోకి రావొచ్చు.
రూట్, స్టోక్స్, బెయిర్ స్టో వచ్చేశారు..
టాస్ ఓడిన కెప్టెన్ బట్లర్ మాట్లాడుతూ.. మేము టాస్ గెలిస్తే మేం కూడా బౌలింగే ఎంచుకునేవాళ్లం. ఇకపోతే నేను నా గురించి, నా కెప్టెన్సీ పాత్ర గురించి చాలా నేర్చుకుంటున్నాను. వన్డే సిరీస్ కోసం చాలా ఎదురుచూస్తున్నా. ఇది నాకు గొప్ప ప్రాక్టీసుతో కూడిన అనుభవాన్ని ఇస్తుంది. ఇకపోతే మా జట్టు తరఫున రూట్, బెయిర్స్టో, స్టోక్స్ బరిలోకి దిగనుండడం సంతోషం. ప్రపంచంలోని అత్యుత్తమ ఆటగాళ్లలో వీరిని పేర్కొంటుంటారు. ఈరోజు మేం తప్పకుండా గెలుస్తామని నమ్మకముంది.
తుది జట్లు
ఇండియా ప్లేయింగ్ 11 : రోహిత్ శర్మ(c), శిఖర్ ధావన్, శ్రేయాస్ అయ్యర్, సూర్యకుమార్ యాదవ్, రిషబ్ పంత్(w), హార్దిక్ పాండ్యా, రవీంద్ర జడేజా, మహమ్మద్ షమీ, జస్ప్రీత్ బుమ్రా, యుజ్వేంద్ర చాహల్, ప్రసిద్ధ్ కృష్ణ
ఇంగ్లాండ్ ప్లేయింగ్ 11 : జాసన్ రాయ్, జానీ బెయిర్స్టో, జో రూట్, బెన్ స్టోక్స్, జోస్ బట్లర్ (కెప్టెన్/వికెట్ కీపర్), లియామ్ లివింగ్స్టోన్, మొయిన్ అలీ, క్రెయిగ్ ఓవర్టన్, డేవిడ్ విల్లీ, బ్రైడన్ కార్సే, రీస్ టోప్లీ
Continue with Google