Click it and Unblock the Notifications
డర్బన్లో సరికొత్త అధ్యాయం: వన్డే చరిత్రలో నాలుగోసారి, కోహ్లీ 3సార్లు
హైదరాబాద్: ఆరు వన్డేల సిరిస్లో భాగంగా డర్బన్లోని కింగ్స్మీడ్ వేదికగా జరిగిన తొలి వన్డేలో ఆతిథ్య దక్షిణాఫ్రికాకు కోహ్లీసేన షాకిచ్చింది. ఈ మ్యాచ్లో దక్షిణాఫ్రికాపై టీమిండియా 6 వికెట్ల తేడాతో ఘన విజయం సాధించింది. ఈ విజయంతో సొంతగడ్డపై దక్షిణాఫ్రికా వరుస విజయాల పరంపరకు బ్రేక్ పడింది.
ఈ వన్డేకి ముందు వరకు దక్షిణాఫ్రికా సొంతగడ్డపై 17 వరుస విజయాలను సాధించిన సంగతి తెలిసిందే. తొలి వన్డేలో టాస్ గెలిచి తొలుత బ్యాటింగ్ చేసిన దక్షిణాఫ్రికా నిర్ణీత 50 ఓవర్లలో 8 వికెట్లు కోల్పోయి 269 పరుగులు చేసింది. కెప్టెన్ డు ప్లెసిస్ (112 బంతుల్లో 120; 11 ఫోర్లు, 2 సిక్సర్లు) సెంచరీని నమోదు చేశాడు.
అనంతరం 270 పరుగుల విజయ లక్ష్యంతో బరిలోకి దిగిన టీమిండియా 45.3 ఓవర్లలో 4 వికెట్లు కోల్పోయి లక్ష్యాన్ని చేధించింది. భారత ఇన్నింగ్స్లో కెప్టెన్ విరాట్ కోహ్లీ (112) వన్డేల్లో 33వ సెంచరీని నమోదు చేసి జట్టు విజయంలో కీలకపాత్ర పోషించాడు. దీంతో ఆరు వన్డేల సిరీస్లో భారత్ 1-0 ఆధిక్యంలో నిలిచింది.
అయితే, సఫారీ ఇన్నింగ్స్లో డుప్లెసిస్, భారత ఇన్నింగ్స్లో కోహ్లీ సెంచరీలను నమోదు చేయడంతో వన్డే క్రికెట్ చరిత్రలో సరికొత్త అధ్యాయం లిఖించబడింది. ఒకే వన్డేలో సెంచరీలు చేసిన కెప్టెన్లుగా డుప్లెసిస్-కోహ్లీలు చరిత్ర సృష్టించారు. మొత్తంగా చూస్తే ఒకే వన్డేలో ఇరు జట్ల కెప్టెన్లు సెంచరీలు చేయడం వన్డేల్లో నాలుగోసారి.
మ్యాచ్-1:
2013లో ఇంగ్లాండ్-స్కాట్లాండ్ జట్ల మధ్య వన్డే మ్యాచ్ జరిగింది. ఈ మ్యాచ్లో ఇంగ్లాండ్ కెప్టెన్ ఇయాన్ మోర్గాన్, స్కాట్లాండ్ కెప్టెన్ విలియమ్ పోర్ట్ ఫీల్డ్లు సెంచరీలతో మెరిశారు. తద్వారా తొలిసారి ఒకే వన్డేలో సెంచరీలు సాధించిన కెప్టెన్లుగా వీరిద్దరూ చరిత్ర సృష్టించారు.
మ్యాచ్-2:
2014లో బంగ్లాదేశ్-భారత జట్ల మధ్య మ్యాచ్ జరిగింది. ఈ మ్యాచ్లో బంగ్లాదేశ్ కెప్టెన్ ముష్పికర్ రహీమ్, భారత కెప్టెన్ విరాట్ కోహ్లీలు సెంచరీలు నమోదు చేశారు. దీంతో ఏడాది వ్యవధిలోనే ఒకే మ్యాచ్లో ఇరు జట్ల కెప్టెన్లు సెంచరీలు సాధించిన ఘనతను వీరిద్దరూ సొంతం చేసుకున్నారు.
మ్యాచ్-3:
2014లో భారత్-శ్రీలంక జట్ల మధ్య మ్యాచ్ జరిగింది. ఈ మ్యాచ్లో భారత్ కెప్టెన్ విరాట్ కోహ్లీ, శ్రీలంక కెప్టెన్ ఏంజెలో మాథ్యూస్లు సెంచరీలు నమోదు చేశారు. టీమిండియా మాజీ కెప్టెన్ మహేంద్ర సింగ్ ధోని సొంత రాష్ట్రమైన జార్ఖండ్లోని రాంచీలో జరిగిన మ్యాచ్లో వీరిద్దరూ సెంచరీలు సాధించారు.
మ్యాచ్-4:
డర్బన్లోని కింగ్స్మీడ్ స్టేడియంలో జరిగిన వన్డేలో భారత్-దక్షిణాఫ్రికా జట్ల తలపడ్డాయి. ఈ మ్యాచ్లో దక్షిణాఫ్రికా కెప్టెన్ డుప్లెసిస్, టీమిండియా కెప్టెన్ కోహ్లీలు సెంచరీలతో రాణించారు. వన్డేల్లో డుప్లెసిస్కు ఇది తొమ్మిదో సెంచరీ కాగా, కోహ్లీకి 33వది కావడం విశేషం. ఈ మ్యాచ్లో టీమిండియా 6 వికెట్ల తేడాతో దక్షిణాఫ్రికాపై విజయం సాధించింది. అయితే, ఈ నాలుగు సందర్బాల్లో మూడుసార్లు విరాట్ కోహ్లీ భాగస్వామ్యం కావడం ఇక్కడ విశేషం.
Story first published: Friday, February 2, 2018, 13:11 [IST]
Other articles published on Feb 2, 2018
Log in for Better Reading Experience!
Continue with Google By signing in, you agree to our Terms and Privacy Policy
Gender
Select your Gender
- Male
- Female
- Others
Age
Select your Age Range
- Under 18
- 18 to 25
- 26 to 35
- 36 to 45
- 45 to 55
- 55+