ఐసీసీ వన్డే ర్యాంకులు: కెరీర్ బెస్ట్ సాధించిన తాహిర్, డుప్లెసిస్

వన్డే బౌలింగ్‌లో ఇమ్రాన్ తాహిర్ నెంబర్ వన్

టీ20ల్లో ఇప్పటికే నెంబర్ వన్ స్ధానంలో ఉన్న ఇమ్రాన్ తాహిర్ శ్రీలంకతో సిరిస్ ప్రారంభం కాక ముందు 712 పాయింట్లతో మూడో స్ధానంలో ఉన్నాడు. ఈ సిరిస్‌లో పది వికెట్లు తీసుకుని 49 పాయింట్లు సాధించిన న్యూజిలాండ్ బౌలర్ ట్రెండ్ బౌల్ట్, వెస్టిండిస్ బౌలర్ సునీల్ నరేన్‌ను వెనక్కు నెట్టి వన్డేల్లో కూడా తాహిర్ నెంబర్ వన్ స్ధానంలో నిలిచాడు.

నాలుగో స్ధానంలో నిలిచిన డుప్లెసిస్

ఇక కెరీర్‌లోనే అద్భుతమైన ఫామ్‌లో ఉన్న డుప్లెసిస్ ఏకంగా ఏడు స్దానాలు ఎకబాకి నాలుగో స్ధానంలో నిలిచాడు. ఈ సిరిస్‌లో డుప్లెసిస్ 67 పాయింట్లు సాధించాడు. దక్షిణాఫ్రికాకు చెందిన డీకాక్ ఐదో స్దానంలో నిలవగా, ఆరో స్ధానంలో హషీమ్ ఆమ్లా నిలిచాడు. వన్డేల్లో ఆస్ట్రేలియాకు చెందిన డేవిడ్ వార్నర్ అగ్రస్ధానంలో ఉండగా, దక్షిణాఫ్రికాకు చెందిన ఏబీ డివిలియర్స్ రెండో స్ధానంలో, టీమిండియా కెప్టెన్ కోహ్లీ మూడో స్ధానంలో నిలిచారు.

సిరిస్ టాప్ బౌలర్‌గా పర్నేల్

శ్రీలంకతో జరిగిన ఐదు వన్డేల సిరిస్‌లో దక్షిణాఫ్రికా బౌలర్ పర్నేల్ 11 వికెట్లు తీసుకుని టాప్ బౌలర్‌గా నిలిచాడు. తద్వారా బౌలింగ్ రాంకుల్లో 16 స్థానాలు ఎగబాకి 28వ స్ధానంలో నిలిచాడు. ఈ సిరిస్‌లో 8 వికెట్లు తీసుకున్న మొర్రిస్ 70 స్ధానాలు ఎగబాకి 51వ స్ధానంలో నిలిచాడు.

వన్డే ఆల్ రౌండర్‌గా షకిబ్ ఉల్ హాసన్

ఇక వన్డే ఆల్ రౌండర్ల విషయానికి వస్తే బంగ్లాదేశ్‌కు చెందిన షకిబ్ ఉల్ హాసన్ ఆగ్రస్దానంలో కొనసాగుతుండగా, అతని తర్వాత రెండో స్ధానంలో ఆప్ఘనిస్తాన్‌కు చెందిన మహ్మద్ నాబి ఉన్నాడు. ఇక మూడో స్ధానంలో శ్రీలంక కెప్టెన్ ఏంజెలో మాథ్యూస్ ఉన్నాడు.