Click it and Unblock the Notifications
ఒత్తిడికి లోను కాను:
'న్యూజీలాండ్ టీ20 సందర్భంగా మూడో స్థానంలో పరుగులు చేసాను. జట్టు యాజమాన్యం నన్ను నమ్మి నాకు అవకాశం ఇచ్చింది. పరిస్థితులను అనుగుణంగా ఎక్కడైనా బ్యాటింగ్ చేయగలను. ఎటువంటి ఒత్తిడికి లోను కాను. జట్టు వసరాన్ని బట్టి బ్యాటింగ్ శైలిని మార్చుకుంటా' అని శంకర్ తెలిపారు.
వారిని చూసి నేర్చుకున్నా:
'క్రికెట్ మొదలుపెట్టినప్పుడు.. భారత జట్టులో చోటు సంపాదించడమే నా కల. అది నిజమయినందుకు సంతోషంగా ఉంది. నాకే సందేహం వచ్చినా, సలహా కావాలన్నా ధోనీ భాయ్‌నే అడుగుతా. ఒత్తిడిని ఎలా జయించాలో ధోనీ, రోహిత్‌, కోహ్లీలను చూసి నేర్చుకున్నా. వారిని దగ్గర నుండి చూస్తూ చాలా విషయాలు నేర్చుకున్నా. ఒక మంచి క్రికెటర్ గా ఎదగడానికి వారి సలహాలు ఎంతో ఉపయోగపడుతాయి' అని శంకర్ పేర్కొన్నారు.
జీవితాన్నే మార్చింది:
'క్రికెటర్‌గా నా జీవితాన్నే మార్చింది మాత్రం నిదహాస్‌ ట్రోఫీనే. ఈ ట్రోఫీ జరిగి సంవత్సరం గడిచినా.. నాకు మాత్రం ఎప్పటికీ గుర్తుండిపోయేదే. ఈ ట్రోఫీ గెలిచిన తర్వాత 50కి పైగా ఫోన్‌ కాల్స్ వచ్చాయి. కష్టాల్లో ఎన్నో నేర్చుకుంటాం. అది క్రికెట్‌లో అయినా.. జీవితంలో అయినా. నాకు క్రికెట్ అంటే ఏమిటో నిదహాస్‌ ట్రోఫీ ద్వారానే తెలిసింది' అని శంకర్ చెప్పుకొచ్చారు.
