స్మిత్‌ సెంచరీ.. సొంతగడ్డపై ఇంగ్లాండ్‌ పరాజయం

వార్నర్‌ మెరుపులు:

టాస్ ఓడి మొదటగా బ్యాటింగ్ చేసిన ఆస్ట్రేలియాకు ఆదిలోనే షాక్ తగిలింది. కెప్టెన్, ఓపెనర్ ఆరోన్ ఫించ్ (14) త్వరగానే పెవిలియన్ చేరాడు. మరో ఓపెనర్ వార్నర్‌ (55 బంతుల్లో 43; 5 ఫోర్లు), షాన్ మార్ష్‌ (30)తో కలిసి ఇన్నింగ్స్‌ను గాడిలో పెట్టాడు. అయితే కొద్ది వ్యవధిలో ఈ జోడీ పెవిలియన్ చేరింది.

స్మిత్ సెంచరీ:

ఈ దశలో మాజీ కెప్టెన్ స్టీవ్ స్మిత్.. ఉస్మాన్ ఖవాజా (30)తో కలిసి జట్టును ఆదుకున్నాడు. ఖవాజా అవుట్ అయినా స్మిత్ బ్యాట్ జులిపించి (102 బంతుల్లో 116; 8 ఫోర్లు, 3 సిక్స్‌లు) సెంచరీ చేసాడు. అలెక్స్ క్యారీ (30) కూడా రాణించాడు. ఇన్నింగ్స్ చివరి ఓవర్లలో స్మిత్ అవుట్ అవ్వడంతో.. ఆసీస్ నిర్ణీత 50 ఓవర్లలో 9 వికెట్ల నష్టానికి 297 పరుగులు చేసింది. ఇంగ్లండ్‌ పేసర్‌ ప్లంకెట్‌ 4 వికెట్లు తీసాడు.

బట్లర్‌ ఆదుకున్నా:

లక్ష్య ఛేదనలో ఇంగ్లండ్‌ 49.3 ఓవర్లలో 285 పరుగులకు ఆలౌటైంది. ఓపెనర్లు రాయ్‌ (32), బెయిర్‌స్టో (12) త్వరగానే ఔటయ్యారు. జేమ్స్ విన్స్‌ (64; 76 బంతుల్లో 5 ఫోర్లు), జొస్ బట్లర్‌ (31 బంతుల్లో 52; 5 ఫోర్లు, 3 సిక్స్‌లు) లు ఆదుకోవడంలో ఇంగ్లాండ్ లక్ష్యం వైపు వెళ్ళింది. ఈ సమయంలో పుంజుకొన్న ఆస్ట్రేలియా బౌలర్లు ఈ జోడీని పెవిలియన్‌ చేర్చారు. ఇక 18 బంతుల్లో 24 పరుగులు అవసరమైన దశలో వోక్స్‌ (40; 3 ఫోర్లు), ప్లంకెట్‌ (19), ఆర్చర్‌ (1)లు ఔటయ్యారు. దీంతో ఇంగ్లండ్‌ ఓడిపోయింది. బెరెన్‌డార్ఫ్‌ (2/43), కేన్‌ రిచర్డ్‌సన్‌ (2/51) రాణించారు.